Ona video zinazopatikana

Ona habari zilizo ndani

Kutii wazazi wako ni kama kulipa deni ya benki. Kadiri unalipa, ni hivyo unafanya wakutumainie zaidi

 KWA AJILI YA VIJANA

10: Kuwa Mwenye Kutumainika

10: Kuwa Mwenye Kutumainika

MAANA YAKE NINI?

Watu wenye kutumainika wanafanya wazazi, marafiki, na wakubwa wa kazi wawatumainie. Wanaheshimia sheria, wanatimiza ahadi zao, na wanasema kweli sikuzote.

SABABU GANI NI JAMBO LA MAANA

Karibu katika kila hali, kiasi cha uhuru chenye mutu anapata kinategemea kabisa sifa ya kuwa mwenye kutumainika yenye amekomalisha kadiri wakati unapita.

“Njia ya muzuri zaidi ya kufanya wazazi wako wakutumainie ni kuonyesha kama uko mwenye kukomaa na mwenye kutegemeka, hapana tu wakati uko pamoja nao lakini pia wakati hawako.”​—Sarahi.

KANUNI YA BIBLIA: ‘Muendelee kusibitisha [ao, kuhakikisha] ninyi wenyewe jinsi [ao, namna] mulivyo.’​—2 Wakorintho 13:5.

MAMBO YENYE UNAWEZA KUFANYA

Ikuwe unapenda watu wakutumainie zaidi ao wakutumainie tena, hatua zenye kufuata zinaweza kukusaidia.

Ukuwe muaminifu. Watu wataacha haraka kukutumainia wakati unasema uongo. Kwa upande mwengine, wakati unasema mambo waziwazi na uko muaminifu, zaidi sana kuhusu makosa yako, unaweza kufanya wengine wakutumainie.

“Ni mwepesi kuwa muaminifu wakati mambo yanaenda muzuri. Lakini kuwa muaminifu juu ya jambo fulani hata kama hilo litafanya uonekane mubaya, watu watakutumainia zaidi.”​—Caiman.

KANUNI YA BIBLIA: “Tunataka kujiendesha kwa unyoofu [ao, kwa uaminifu] katika mambo yote.”​—Waebrania 13:18.

Ukuwe mwenye kutegemeka. Katika uchunguzi wenye ulifanywa katika États-Unis, watalaamu 78 juu ya 100 wenye kutumika katika biro mbalimbali zenye kuangalia mambo ya kazi, walionyesha kama kuwa mwenye kutumainika ni “moja kati ya mambo tatu ya maana yenye wanachunguza kwa mutu mwenye anatafuta kazi.” Kujifunza kuwa mutu mwenye kutegemeka sasa kutakuletea faida wakati utakuwa mutu muzima.

“Wazazi wangu wanatambua kuwa niko mwenye kutegemeka wakati ninafanya kazi za nyumbani bila wao kunikumbusha kila mara. Kadiri ninafanya hivyo, ni vile wananitumainia zaidi.”​—Sarah.

KANUNI YA BIBLIA: ‘Ninatumaini kwamba utakubali, nikijua kwamba utafanya hata zaidi ya mambo ninayosema.’​—Filemoni 21.

Ukuwe muvumilivu. Tofauti na ukomavu wa kimwili, wenye watu wengine wanaweza kuona waziwazi, inaomba wakati ili watu wafikie kutuona kuwa wenye kukomaa kiakili.

“Haiko tu kwa sababu ulikuwa mwenye kutumainika katika jambo moja ndio utatazamia wazazi wako na watu wengine wakutumainie; inaomba wakati na kuendelea kujikaza. Lakini unaweza kukomalisha sifa hiyo hatua kwa hatua ikiwa umejionyesha kuwa mwenye kutegemeka kadiri wakati unapita.”​—Brandon.

KANUNI YA BIBLIA: ‘Mujivike . . . ustahimilivu [ao, uvumilivu].’​—Wakolosai 3:12.