Ona video zinazopatikana

Ona habari zilizo ndani

Kutumika pamoja kunamaanisha kuwa kama pilote na musaidizi wake wenye wako na plani moja ya safari

 KWA AJILI YA BIBI NA BWANA

2: Kutumika Pamoja

2: Kutumika Pamoja

MAANA YAKE NINI?

Wakati bibi na bwana wanatumika pamoja katika ndoa, wako kama pilote wa avion na musaidizi wake. Hata wakati magumu yanatokea, kila mumoja wao anatumia neno “sisi” kuliko kutumia neno “mimi.”

KANUNI YA BIBLIA: ‘Si wawili tena, bali [ao, lakini] mwili mumoja.’​—Mathayo 19:6.

“Ndoa haifanyizwe na mutu mumoja. Bibi na bwana wanapaswa kutumika pamoja ili kufanya ndoa yao ikuwe yenye furaha.”​—Christopher.

SABABU GANI NI JAMBO LA MAANA

Wakati kunakuwa mabishano, bibi na bwana wenye hawatumike pamoja watakuwa na mwelekeo wa kutafuta mwenye kosa kuliko kutafuta namna ya kumaliza magumu. Mambo madogo-madogo yatageuka kuwa vizuizi vikubwa.

“Kutumika pamoja ni jambo la maana sana katika ndoa. Ikiwa mimi na bwana yangu hatungekuwa tunatumika pamoja, tungekuwa kama vile watu wenye kuishi katika chumba kimoja kuliko kuishi kama bibi na bwana ​—watu wawili wenye wanaishi pamoja lakini wenye hawako pamoja wakati wa kukamata maamuzi mazito.”​—Alexandra.

MAMBO YENYE UNAWEZA KUFANYA

UJICHUNGUZE

  • Ninaona feza zenye ninapata kuwa “zote ni zangu”?

  • Ili nipitishe wakati muzuri kabisa, niko na lazima ya kuwa mbali na bibi ao bwana yangu?

  • Ninaepuka kuwa na uhusiano wa karibu na watu wa jamaa ya bibi ao bwana yangu, hata kama yeye iko na uhusiano wa karibu pamoja nao?

ZUNGUMUZA NA BIBI AO BWANA YAKO

  • Ni katika mambo gani katika ndoa yetu tunatumika pamoja muzuri?

  • Ni katika mambo gani tunaweza kufanya maendeleo?

  • Ni hatua gani tunaweza kuchukua ili kukomalisha roho yetu ya kutumika pamoja?

MASHAURI

  • Wazia muchezo wa tennis ambamo mumoja kati yenu ninyi wawili iko upande mwingine. Kuliko kuwa hivyo, ni hatua gani zenye kufaa unaweza kuchukua ili kujiunga na bibi ao bwana yako ili mukuwe ninyi wote pamoja?

  • Kuliko kufikiria, ‘Namna gani ninaweza kupata ushindi?’ fikiria ‘Namna gani sisi wawili tunaweza kupata ushindi?’

“Usitafute kujua kosa ni la nani. Hilo haliko jambo la maana kuliko kuwa na amani na umoja katika ndoa yenu.”​—Ethan.

KANUNI YA BIBLIA: ‘Muangalie, si faida za kibinafsi za mambo yenu wenyewe tu, bali pia faida za kibinafsi za wengine.’​—Wafilipi 2:3, 4.