Waamuzi 3:1-31
3 Haya ndiyo mataifa yenye Yehova aliruhusu yabakie ili yajaribu wale wote kati ya Israeli wenye walikuwa hawajaona vita yoyote ya Kanaani+
2 (ilikuwa vile ili vizazi vya Waisraeli vyenye vilifuata vijue vita, wale wenye walikuwa hawajaona kitu kama hicho mbele):
3 mabwana tano (5) wa Wafilisti,+ na Wakanaani wote, Wasidoni,+ na Wahivi+ wenye walikuwa wanakaa katika Mulima Lebanoni+ kuanzia Mulima Baal-hermoni mupaka Lebo-hamati.*+
4 Walitumiwa kama njia ya kujaribu Israeli ili kuona kama Israeli watatii amri zenye Yehova alikuwa amepatia baba zao kupitia Musa.+
5 Kwa hiyo, Waisraeli wakakaa kati ya Wakanaani,+ Wahiti, Waamori, Waperizi, Wahivi, na Wayebusi.
6 Waisraeli walikuwa wanachukua mabinti wa mataifa hayo kuwa bibi zao, na kupatia mabinti wao wana wa mataifa hayo, na walianza kuabudu miungu yao.+
7 Basi Waisraeli wakafanya mambo ya mubaya mbele ya macho ya Yehova, na wakamusahau Yehova Mungu wao na wakatumikia Mabaali+ na miti mitakatifu.*+
8 Basi kasirani ya Yehova ikawaka juu ya Israeli, na akawauzisha katika mukono wa Kushan-rishataimu mufalme wa Mesopotamia.* Waisraeli wakatumikia Kushan-rishataimu kwa miaka munane (8).
9 Wakati Waisraeli walimulilia Yehova awasaidie,+ Yehova akainua mwokozi ili kuokoa Waisraeli,+ Otnieli+ mwana wa Kenasi, ndugu mudogo wa Kalebu.
10 Roho ya Yehova ikakuja juu yake,+ akakuwa muamuzi wa Israeli. Wakati alienda kwenye vita, Yehova akamutia Kushan-rishataimu mufalme wa Mesopotamia* katika mikono yake, na akashinda Kushan-rishataimu.
11 Kisha inchi ikapata pumuziko kwa miaka makumi ine (40). Kisha Otnieli mwana wa Kenasi akakufa.
12 Na Waisraeli wakaanza tena kufanya mambo ya mubaya mbele ya macho ya Yehova.+ Basi Yehova akaacha Egloni mufalme wa Moabu+ ashinde Israeli, kwa sababu walifanya mambo ya mubaya mbele ya macho ya Yehova.
13 Kisha, Egloni akaleta Waamoni+ na Waamaleki+ ili kupigana na Israeli. Wakashambulia Israeli na kukamata muji wa miti ya mitende.+
14 Waisraeli wakamutumikia Egloni mufalme wa Moabu kwa miaka kumi na munane (18).+
15 Kisha Waisraeli wakamulilia Yehova awasaidie,+ basi Yehova akawainulia mwokozi,+ Ehudi+ mwana wa Gera, Mubenyamini+ mwenye alikuwa anatumia mukono wa kushoto.+ Kisha wakati fulani Waisraeli wakatuma Ehudi amupelekee Egloni mufalme wa Moabu ushuru.
16 Wakati ule, Ehudi akatengeneza upanga wenye makali pande mbili wenye urefu wa mukono mumoja,* na akaufunga chini ya nguo yake kwenye paja lake la kuume.
17 Kisha akamupelekea Egloni mufalme wa Moabu ushuru huo. Na Egloni alikuwa munene sana.
18 Wakati Ehudi alimaliza kutoa ushuru huo, akaambia watu wenye walikuwa wanabeba ushuru huo waende.
19 Lakini wakati alifika kwenye sanamu za majiwe* kule Gilgali,+ yeye mwenyewe akarudia kwa mufalme na kumuambia: “Niko na ujumbe wa siri kwa ajili yako, Ee mufalme.” Basi mufalme akasema: “Munyamaze!” Kisha watumishi wake wote wakaondoka.
20 Kwa hiyo Ehudi akamukaribia wakati alikuwa amekaa peke yake katika chumba chake cha juu chenye baridi. Kisha Ehudi akasema: “Niko na ujumbe kutoka kwa Mungu kwa ajili yako.” Kwa hiyo akasimama na kutoka kwenye kiti chake cha ufalme.
21 Kisha Ehudi akatosha upanga wake kwenye paja lake la kuume kwa kutumia mukono wake wa kushoto na kuuingiza katika tumbo la mufalme.
22 Upanga ukaingia pamoja na mupini wake, na mafuta yakafunika upanga huo kwa sababu hakuutosha katika tumbo lake, na mavi yakatoka.
23 Ehudi akatoka inje kupitia baraza,* lakini akafunga milango ya chumba cha juu nyuma yake na kutia pingo.*
24 Kisha Ehudi kuenda, watumishi wa mufalme wakarudia na kuona kwamba milango ya chumba cha juu ilikuwa imefungwa. Kwa hiyo wakasema: “Pengine ameenda kujisaidia* katika chumba chake cha ndani chenye baridi.”
25 Wakangojea wakati murefu mupaka wakasikia haya, na wakati waliona hafungue milango ya chumba cha juu, wakakamata funguo na kuifungua, wakakuta bwana wao ameanguka chini* akiwa amekufa!
26 Ehudi akakimbia wakati walikuwa wanakawia-kawia, na akapita karibu na sanamu za majiwe,*+ na akakimbilia Seira.
27 Wakati alifika kule, akapiga baragumu+ katika eneo lenye milima la Efraimu;+ na Waisraeli wakashuka pamoja naye kutoka kwenye milima, yeye akiwa mbele yao.
28 Kisha akawaambia: “Munifuate, kwa sababu Yehova ametia maadui wenu, Wamoabu, katika mukono wenu.” Na wakamufuata, wakakamata nafasi za kuvukia za Yordani ili kuzuia Wamoabu, na hawakuruhusu mutu yeyote avuke.
29 Wakati huo wakapiga na kuua Wamoabu karibu elfu kumi (10 000),+ wote walikuwa wanaume wenye nguvu na hodari; hakuna hata mumoja mwenye aliponyoka.+
30 Basi siku hiyo Wamoabu walinyenyekezwa chini ya mukono wa Israeli; na inchi ikapata pumuziko kwa miaka makumi munane (80).+
31 Kisha Ehudi kukakuwa Shamgari+ mwana wa Anati, mwenye alipiga na kuua wanaume Wafilisti mia sita (600)+ kwa muchokoo* wa ngombe;+ yeye pia aliokoa Israeli.
Maelezo ya Chini
^ Ao “muingilio wa Hamati.”
^ Angalia Maana ya Maneno.
^ Tnn., “Aram-naharaimu.”
^ Tnn., “Aramu.”
^ Pengine ulikuwa mukono mudogo wenye santimetre 38 (inchi 15). Angalia Nyongeza B14.
^ Ao pengine, “mashimo ya kuchimba ndani majiwe.”
^ Ao pengine, “tundu la kupitishia hewa.”
^ Pingo ni kipande cha muti ao cha chuma cha kufungia mulango kwa ndani.
^ Tnn., “ameenda kujifunika miguu.”
^ Tnn., “kwenye udongo.”
^ Ao pengine, “mashimo ya kuchimba ndani majiwe.”
^ Muchokoo ni fimbo yenye chongo yenye inatumiwa ili kumuongoza munyama.
