Kutoka 15:1-27
15 Wakati huo Musa na Waisraeli wakamuimbia Yehova wimbo huu:+
“Nimuimbie Yehova, kwa maana ametukuzwa sana.+
Farasi na mupandaji wake amewatupa katika bahari.+
2 Nguvu zangu na uwezo wangu ni Yah,* kwa maana amekuwa wokovu wangu.+
Huyu ndiye Mungu wangu, na nitamusifu;+ Mungu wa baba yangu,+ na nitamutukuza.+
3 Yehova ni mupiganaji-vita mwenye nguvu.+ Yehova ni jina lake.+
4 Ametupa magari ya Farao na jeshi lake katika bahari,+Na wapiganaji-vita wake wenye nguvu zaidi wamezama katika Bahari Nyekundu.+
5 Maji yenye mawimbi makubwa yaliwafunika; walishuka kama jiwe katika sehemu za chini kabisa.+
6 Mukono wako wa kuume, Ee Yehova, uko na nguvu nyingi;+Mukono wako wa kuume, Ee Yehova, unaweza kumuvunja-vunja adui.
7 Katika wingi wa ukubwa wako unaweza kuangusha chini wale wenye kusimama ili kukupinga;+Unatuma kasirani yako yenye kuwaka, inawateketeza kama majani yenye kukauka.
8 Kwa pumuzi ya matundu ya pua yako maji yalijikusanya pamoja;Yalisimama imara, yalizuia mafuriko yasiteremuke;Maji yenye mawimbi makubwa yaligandamana katika moyo wa bahari.
9 Adui alisema, ‘Nitafuatilia! Nitafikia!
Nitagawanya vitu vyenye vinachukuliwa katika vita mupaka nitosheke!*
Nitachomoa upanga wangu! Mukono wangu utawanyenyekeza!’+
10 Ulipuliza kwa pumuzi yako, bahari ikawafunika;+Walizama kama risasi katika maji makubwa.
11 Ni nani kati ya miungu mwenye kuwa kama wewe, Ee Yehova?+
Ni nani mwenye kuwa kama wewe, mwenye kujionyesha kuwa mwenye nguvu katika utakatifu?+
Mwenye anapaswa kuogopwa kwa kumuimbia nyimbo za sifa, Mwenye anatenda mambo ya ajabu.+
12 Ulinyoosha mukono wako wa kuume, na dunia ikawameza.+
13 Kwa upendo wako mushikamanifu umeongoza watu wenye ulikomboa;+Kwa nguvu zako utawaongoza kwenye makao yako matakatifu.
14 Vikundi vya watu vitasikia+ na kutetemeka;Wakaaji wa Ufilisti watashikwa na uchungu.*
15 Wakati huo mashehe* wa Edomu wataogopa sana,Na kutetemeka kutashika watawala wenye nguvu* wa Moabu.+
Wakaaji wote wa Kanaani watavunjika moyo.+
16 Woga na hofu vitaanguka juu yao.+
Kwa sababu ya mukono wako wenye nguvu watabakia bila kutikisika kama jiweMupaka watu wako wapite, Ee Yehova,Mupaka watu wenye ulitokeza+ wapite.+
17 Utawaleta na kuwapanda katika mulima wa uriti wako,+Mahali kwenye kulifanywa imara kwenye ulijitayarishia ili ukae pale, Ee Yehova,Patakatifu, Ee Yehova, kwenye mikono yako imejenga.
18 Yehova atatawala akiwa mufalme milele na milele.+
19 Wakati farasi za Farao pamoja na magari yake ya vita na maaskari wake wapanda-farasi waliingia katika bahari,+Basi Yehova alirudisha maji ya bahari juu yao,+Lakini watu wa Israeli walitembea juu ya inchi kavu katikati ya bahari.”+
20 Kisha Miriamu nabii mwanamuke, dada ya Haruni, akakamata ngoma ya kidogo* katika mukono wake, na wanamuke wote wakamufuata wakiwa na ngoma za kidogo* na walikuwa wanacheza dansi.
21 Miriamu alikuwa anaimba hivi kwa kuitikia wanaume:
“Mumuimbie Yehova, kwa maana ametukuzwa sana.+
Farasi na mupandaji wake amewatupa katika bahari.”+
22 Kisha wakati fulani Musa akaongoza Israeli kutoka kwenye Bahari Nyekundu, na wakaenda kwenye jangwa la Shuri na kusafiri kwa siku tatu (3) katika jangwa, lakini hawakupata maji.
23 Wakafika Mara,*+ lakini hawakuweza kunywa maji ya Mara kwa sababu yalikuwa machungu. Ndiyo sababu aliita mahali pale Mara.
24 Kwa hiyo watu wakaanza kumunungunikia Musa,+ kwa kusema: “Tutakunywa nini?”
25 Musa akamulilia Yehova,+ na Yehova akamuongoza kwenye muti fulani. Wakati alitupa muti huo ndani ya maji hayo, maji hayo yakakuwa matamu.
Pale Mungu akawawekea sharti na musingi wa hukumu, na pale akawatia katika jaribu.+
26 Mungu akasema: “Kama utasikiliza kabisa sauti ya Yehova Mungu wako na kufanya mambo yenye kuwa sawa mbele ya macho yake na kusikiliza kwa uangalifu amri zake na kushika masharti yake yote,+ sitakuletea magonjwa yenye nilileta juu ya Wamisri,+ kwa sababu mimi, Yehova, niko nakuponyesha.”+
27 Kisha wakafika Elimu, mahali kwenye kulikuwa chemchemi kumi na mbili (12) na miti ya mitende makumi saba (70). Kwa hiyo wakapiga kambi pale pembeni ya maji.
Maelezo ya Chini
^ “Yah” ni kifupi cha jina Yehova.
^ Ao “nafsi yangu itosheke.”
^ Tnn., “maumivu ya kuzaa.”
^ Shehe alikuwa mukubwa wa kabila.
^ Ao “viongozi wenye kutawala kwa nguvu.”
^ Ao “tari.”
^ Ao “matari.”
^ Maana yake “Uchungu.”
