Ona video zinazopatikana

VIJANA WANAULIZA

Namna Gani Naweza Kuongoza Hisia Zangu?

Namna Gani Naweza Kuongoza Hisia Zangu?

“Siku moja najisikia muzuri kabisa, lakini siku yenye kufuata najisikia mubaya sana. Mambo yenye jana niliona kuwa tatizo ndogo, leo yanakuwa tatizo kubwa sana.”​—Carissa.

Hisia zako zinapanda na kushuka kama barabara yenye mashimo? * Ikiwa ni hivyo, habari hii inaweza kukusaidia!

 Sababu gani hali hiyo inatokea

Tatizo la kubadilika-badilika kwa hisia linatokea zaidi sana wakati uko katika mabadiliko yenye kutokea wakati wa ujana. Hata kama uko tayari katika miaka yako ya ujana, unaweza kushangazwa na namna hisia zako zinaweza kubadilika haraka na katika njia yenye hautazamie.

Ikiwa unachanganyikiwa kwa sababu ya kubadilika-badilika kwa hisia zako, kumbuka kwamba nyingi kati ya hisia hizo zinatokea kwa sababu ya mabadiliko ya homoni na kujisikia kuwa mwenye kukosa usalama na uhakika, mambo yenye kuwa kawaida katika kukomaa. Jambo lenye kufurahisha ni kwamba unaweza kuelewa na kujifunza namna ya kupambana na hisia zako.

Ukweli wa mambo: Kujifunza namna ya kuongoza hisia zako wakati ungali kijana ni jambo la maana, kwa sababu utakuwa na lazima ya uwezo huo katika hali mbalimbali wakati utakuwa mutu muzima.

Hisia zenye hazifae ziko kama mashimo yenye kuwa katika barabara. Kwa ufundi, unaweza kuepuka mashimo za mubaya zaidi na kufanya mwendo wako ukuwe muzuri

 Mambo tatu yenye unaweza kufanya

Zungumuza. Biblia inasema hivi: “Rafiki wa kweli anapenda nyakati zote, naye ni ndugu aliyezaliwa kwa ajili ya wakati wa taabu.”​—Methali 17:17.

“Tuko na rafiki wa karibu wa familia yetu mwenye naona kama shangazi. Ananisikiliza kwa uangalifu kabisa wakati nazungumuza, na najisikia huru kumwambia mambo yangu. Anafurahi sana wakati mawazo yangu ni mazuri, na ikiwa nakosea ananishauria katika njia ya muzuri kadiri inawezekana.”​—Yolanda.

Shauri: Kuliko kuongea tu na vijana wenzako​—wenye kuwa pengine katika hali ya kubadilika-badilika kwa hisia kama wewe​—zungumuza na muzazi ao na mutu muzima mwengine mwenye kutumainika.

Andika. Biblia inasema kwamba wakati Ayubu alivunjika moyo, alisema hivi: “Nitaonyesha hangaiko langu kujihusu mwenyewe. Nitasema kwa uchungu wa nafsi yangu!” (Ayubu 10:1) Zaidi ya kuzungumuza na mutu fulani, njia ingine ya ‘kusema’ ni kuandika kuhusu namna unajisikia.

“Nabeba buku langu ndogo kila mahali. Wakati jambo fulani lenye kunihangaisha linatokea, naandika kuhusu jambo hilo. Kuandika kunanituliza kabisa.”​—Iliana.

Shauri: Ukuwe na buku mwenye unaweza kuandika hisia zenye kukupata, mambo yenye yalitokeza hisia hizo, na namna ulipaswa kutenda kuhusiana nazo. Karatasi ya mazoezi kuhusu habari hii inaweza kukusaidia kufanya hivyo.

Sali. Biblia inasema hivi: ‘Mutupie Yehova muzigo wako, naye mwenyewe atakutegemeza. Hatamuacha kamwe muadilifu atikisike.’​—Zaburi 55:22.

“Nasali Yehova kila wakati nasumbuliwa. Kila mara natulia kisha kumuambia mambo yenye kuwa katika moyo wangu.”​—Jasmine.

Shauri: Hata kama uko na mahangiko ya namna gani, fikiria mambo tatu katika maisha yako yenye kukufanya ukuwe mwenye shukrani. Wakati unasali Yehova, uombe musaada​—lakini umushukuru kwa baraka zenye uko nazo.

^ fu. 4 Habari hii inazungumuzia hali ya kubadilika-badilika kwa hisia yenye kupata vijana wengi. Kama uko na tatizo la kubadilika-badilika kwa hisia ao aina ingine ya kushuka moyo, ona habari “Ninaweza Kukabilianaje na Kushuka Moyo?”