Ona video zinazopatikana

Sababu Gani Watu Wanakufa?

Sababu Gani Watu Wanakufa?

Maulizo Juu ya Habari za Biblia Yanajibiwa / Uzima na Kifo / Sababu Gani Watu Wanakufa?

Ni kawaida kujiuliza sababu gani watu wanakufa, zaidi sana wakati tunapoteza ndugu ao rafiki yetu wa karibu. Biblia inasema hivi: ‘Muchomo unaotokeza kifo ni zambi.’​—1 Wakorintho 15:56.

Sababu gani watu wote wanafanya zambi na kufa?

Mwanaume na mwanamuke wa kwanza, Adamu na Eva, walipoteza uzima wao kwa sababu walimukosea Mungu. (Mwanzo 3:17-19) Walipaswa kufa kwa sababu walimuasi Mungu, ambaye ni “chemchemi ya uzima.”​—Zaburi 36:9; Mwanzo 2:17.

Adamu aliwapitishia wazao wake wote matokeo ya zambi. Bibilia inasema hivi: ‘kupitia mutu mumoja zambi iliingia katika ulimwengu na kifo kupitia zambi, na hivyo kifo kikaenea kwa watu wote kwa sababu wote walikuwa wamefanya zambi.’ (Waroma 5:12) Watu wote wanakufa kwa sababu wote wanafanya zambi.​—Waroma 3:23.

Kifo kitaondolewa namna gani?

Mungu ameahidi wakati ambapo “atameza kifo milele.” (Isaya 25:8) Ili aondoe kifo, anapaswa kuangamiza mizizi inayoleta kifo, ni kusema, zambi. Mungu atafanya hivyo kupitia Yesu Kristo ambaye ‘anaondoa mbali zambi ya ulimwengu.’​—Yohana 1:29; 1 Yohana 1:7.