Ona video zinazopatikana

Ni Majina ya Nani Ambayo Yanaandikwa Katika “Kitabu cha Uzima”?

Ni Majina ya Nani Ambayo Yanaandikwa Katika “Kitabu cha Uzima”?

Maulizo Juu ya Habari za Biblia Yanajibiwa / Maisha na Kifo / Ni Majina ya Nani Ambayo Yanaandikwa Katika “Kitabu cha Uzima”?

“Kitabu cha uzima,” kinaitwa tena “kitabu cha kukunjwa cha uzima” ao “kitabu cha kumbukumbu,” majina ya watu ambao watapata zawadi ya uzima wa milele yanaandikwa katika kitabu hicho. (Ufunuo 3:5; 20:12; Malaki 3:16) Mungu anaandika katika kitabu hicho majina ya wale wanaomutumikia kwa uaminifu na kumutii.​—Yohana 3:16; 1 Yohana 5:3.

Mungu ameweka kila mumoja wa watumishi wake waaminifu katika kumbukumbu lake, ni kama vile ameandika majina yao katika kitabu, tangu ‘kuwekwa kwa musingi wa ulimwengu’ wa wanadamu. (Ufunuo 17:8) Inaonekana kwamba mwanaume mwaminifu Abeli ndiye aliyekuwa wa kwanza kuandikwa katika kitabu cha uzima. (Waebrania 11:4) Kitabu hicho hakionyeshe tu oroza ya majina, lakini kinaonyesha pia kwamba Yehova ni Mungu mwenye upendo ambaye “anawajua walio wake.”​—2 Timotheo 2:19; 1 Yohana 4:8.

Je, majina yanaweza kuvutwa katika “kitabu cha uzima”?

Ndiyo. Mungu aliwaambia Waisraeli ambao hawakumutii hivi: ‘Yeyote ambaye amenitendea zambi, nitamufutilia mbali kutoka katika kitabu changu.’ (Kutoka 32:33) Lakini, ikiwa tunaendelea kuwa waaminifu, majina yetu yatabaki katika “kitabu cha kukunjwa cha uzima.”​—Ufunuo 20:12.