Ona video zinazopatikana

Biblia Inasema Nini Kuhusu Ponografia? Je, Ni Vibaya Kuona Mambo ya Ngono Kwenye Internete?

Biblia Inasema Nini Kuhusu Ponografia? Je, Ni Vibaya Kuona Mambo ya Ngono Kwenye Internete?

Maulizo Juu ya Habari za Biblia Yanajibiwa / Ngono / Biblia Inasema Nini Kuhusu Ponografia? Je, Ni Vibaya Kuona Mambo ya Ngono Kwenye Internete?

Biblia haitaje waziwazi ponografia, kuona mambo ya ngono kwenye Internete, ao mambo mengine kama hayo. Lakini, Biblia inaonyesha waziwazi maoni ya Mungu kuhusu matendo yanayowatia watu moyo kufanya ngono mbele ya ndoa ao kuwafanya wawe na maoni mabaya juu ya ngono. Fikiria maandiko haya ya Biblia:

● “Viueni viungo vya mwili wenu vilivyo duniani kwa habari ya uasherati, uchafu, hamu ya ngono.” (Wakolosai 3:5) Kuliko kuua tamaa mbaya, kutazama ponografia kunaichochea. Na kunamufanya mutu awe muchafu mbele za Mungu.

● ‘Kila mutu ambaye anaendelea kumutazama mwanamuke na kumutamani tayari amefanya uzinzi pamoja naye moyoni mwake.’ (Mathayo 5:​28) Picha chafu za ngono zinatokeza mawazo mabaya yanayomuchochea mutu kufanya matendo mabaya.

● “Uasherati na ukosefu wa usafi wa kila namna ao pupa visitajwe hata kidogo katikati yenu.” (Waefeso 5:3) Hatupaswi hata kufurahia kuzungumuzia mambo ya uasherati, na kutazama ao kusoma habari za uasherati.

● ‘Matendo ya mwili ni wazi, nayo ni uasherati, uchafu, . . . na mambo kama hayo. Kuhusu mambo hayo mimi ninawaonya ninyi kimbele, kama vile nilivyowaonya kimbele, kwamba wale walio na mazoea ya kufanya mambo ya namna hiyo hawatauriti ufalme wa Mungu.’ (Wagalatia 5:​19-​21) Wale wanaotazama video, picha ao kusoma habari za ngono, wale wanaotumia wengine ujumbe ao kuzungumuzia ngono kwenye Internete ili kuamusha tamaa ya ngono, wale wanaotumia telefone yao ili kuzungumuzia ao kutumia wengine picha ao ujumbe wa ngono ni wachafu mbele za Mungu. Ikiwa tunazoea kufanya mambo hayo, Mungu hawezi kutukubali.