Ona video zinazopatikana

BIBLIA INABADILISHA MAISHA YA WATU

“Nilianza Kuishi Katika Barabara”

“Nilianza Kuishi Katika Barabara”
  • Alizaliwa Mwaka wa: 1955

  • Inchi: Uhispania

  • Alikuwa: Anatumia Dawa za Kulewesha na Kunywa Pombe Sana, na Mwenye Jeuri

MAISHA YANGU YA ZAMANI

Kunapita muda murefu ili watu fulani wajifunze mambo fulani kutokana na mambo ya mubaya sana yenye yaliwafikia katika maisha yao. Nilikuwa hivyo pia. Nilizaliwa na kukomalia katika Barcelona, muji wa pili mukubwa zaidi katika Uhispania. Familia yangu iliishi katika eneo lenye liliitwa Somorrostro, sehemu kubwa ya muji huo ilikuwa pembeni ya habari. Somorrostro ilijulikana kuwa eneo lenye jeuri na mambo ya dawa za kulewesha.

Wazazi wangu walikuwa na watoto kenda, na mimi ndiye nilikuwa mukubwa zaidi wao. Kwa sababu tulikuwa maskini sana, baba yangu alinituma mahali fulani pa kuchezea muchezo wa tennis katika eneo letu, nilikuwa mutoto wa kuletea wachezaji kabumbu zao. Nilikuwa na miaka kumi na nilitumika saa kumi kila siku. Kwa hiyo, singeweza kuenda kwenye masomo kama watoto wengi wenye walikuwa na miaka yangu. Wakati nilikuwa na miaka 14, nikaanza kuendesha mashini katika nafasi ya kuuzishia chuma.

Katika mwaka wa 1975, nilijiunga na Kikundi cha Askari cha Kigeni cha Uhispania katika Melilla, eneo la mbali la Uhispania lenye kuwa Kaskazini mwa Afrika na ninavaa nguo za kikundi hicho

Katika mwaka wa 1975, niliitwa ili kufanya kazi ya jeshi, kwa sababu wakati huo sheria ya Uhispania iliomba kufanya hivyo. Nilipenda kufanya mambo ya mupya yenye kupendeza katika maisha yangu; kwa hiyo, nilijitoa ili kuingia katika Kikundi cha Askari cha Kigeni cha Hispania katika Melilla, eneo la mbali la Uhispania lenye kuwa Kaskazini mwa Afrika. Wakati huo nilijiingiza sana katika tabia ya mubaya sana ya kutumia dawa za kulewesha na kunywa pombe sana.

Wakati nilitoka katika kikundi hicho cha askari, nilirudia katika Barcelona na kuanzisha kikundi cha wanaume wenye jeuri. Tuliiba kila kitu chenye tungeweza kupata. Tulikuwa tunauzisha vitu vyenye tuliiba ili kuuza dawa za kulewesha. Nilianza kutumia dawa ya kulewesha yenye kuitwa LSD (acide lysergique diéthylamide) na amfetamini, na nilikuwa ninafanya uasherati, kunywa sana pombe, na kucheza michezo ya feza. Maisha hayo ya mubaya sana yalinifanya nikuwe mutu mwenye jeuri zaidi. Sikuzote nilikuwa na kisu, shoka, ao mupanga, na sikuogopa hata kidogo kutumia kitu kimoja kati ya vitu hivyo wakati niliona kama ni lazima kufanya hivyo.

Siku moja, mimi na wanaume wenzangu tuliiba motokari, na polisi walikuwa wanatufuata. Ilikuwa kama filme. Tulitembeza motokari hiyo yenye tuliiba mupaka kwenye umbali wa kilometre 30 hivi, mupaka polisi walianza kutupiga masasi. Mwishowe, mutu mwenye alikuwa anatutembeza akafanyisha motokari aksidenti, na sisi wote tukakimbia na kupotea. Wakati baba yangu alisikia habari hiyo, alinifukuza kabisa katika nyumba.

Miaka tano yenye ilifuata, nilianza kuishi katika barabara. Nililala kwenye milango, katika motokari mbalimbali, kwenye viti vyenye kuwa katika bustani, na katika makaburi. Niliishi hata katika tundu kubwa la chini ya udongo kwa wakati fulani. Maisha yangu hayakukuwa tena hata kidogo na kusudi fulani, niliona kama kufa na kuishi yote ilikuwa sawa. Ninakumbuka namna nilikuwa ninajikata-kata kwenye mikono kwa sababu ya dawa za kulewesha. Ningali na makovu mupaka leo.

NAMNA BIBLIA ILIBADILISHA MAISHA YANGU

Wakati nilikuwa na miaka 28, mama yangu alinitafuta na kuniomba nirudie nyumbani. Nilikubali na nilimuahidi kama nitatengeneza maisha yangu, lakini iliomba muda fulani ili nitimize ahadi hiyo.

Mangaribi moja, Mashahidi wawili wa Yehova waligonga kwenye mulango wetu. Wakati nilikuwa ninawasikiliza, baba yangu mwenye alikuwa ndani ya nyumba, alinilalamikia na kuniambia kama ninapaswa kuwafungia mulango. Sikukuwa ninapenda mutu aniambie mambo ya kufanya, kwa hiyo, sikumusikiliza. Walinitolea vitabu vitatu vidogo-vidogo, na nilivipokea kwa furaha. Niliwauliza nafasi kwenye wanafanyia mikutano, na kisha siku kidogo, nilienda kwenye Jumba la Ufalme.

Jambo la kwanza lenye niliona ni namna kila mutu alikuwa anavaa muzuri. Lakini mimi nilikuwa na nywele murefu, ndevu zenye hazitengenezwe muzuri, na manguo ya ovyoovyo. Ilionekana kama sikustahili kuingia ndani, kwa hiyo nilibakia inje ya jumba. Lakini jambo la kushangaza ni kwamba, niliona mwanaume mumoja mwenye nilijuana naye na alikuwa zamani katika kikundi chenye jeuri, aliitwa Juan, na alikuwa anavaa koti. Kisha nilifikia kujua kama kulikuwa kumepita mwaka mumoja tangu akuwe Shahidi wa Yehova. Kumuona kulinisaidia nipate nguvu yenye nilikuwa nayo lazima ili kuingia ndani na kuhuzuria mukutano. Ni vile nilianza kufanya mabadiliko.

Nilikubali kuanza kujifunza Biblia na bila kukawia nilitambua kama ikiwa ninapenda Mungu anikubali, nilipaswa kubadilisha tabia yangu ya kuwa mukali na kuacha maisha ya mwenendo muchafu. Haikuwa mwepesi kufanya mabadiliko hayo. Nilijifunza kama ili nimupendeze Yehova Mungu, nilipaswa ‘kugeuzwa kwa kufanya upya akili [yangu] .’ (Waroma 12:2) Niliguswa sana moyo na rehema ya Mungu. Hata kama nilikuwa na makosa mengi, nilijisikia kama alikuwa ananipatia nafasi ya kubadilisha kabisa maisha yangu. Mambo yenye nilijifunza juu ya Yehova Mungu yaliingia ndani kabisa ya moyo wangu. Nilielewa muzuri kabisa kama kuko Muumbaji mwenye ananihangaikia.​—1 Petro 5:6, 7.

Hilo lilinichochea nianze kufanya mabadiliko. Kwa mufano, katika funzo langu la Biblia wakati tulizungumuzia habari yenye kuhusu kuvuta tumbako, nilijiambia hivi, ‘Ikiwa Yehova Mungu anapenda niendelee kuwa safi na bila uchafu katika kila hali, ninapaswa kuacha kabisa tumbako hizi!’ (2 Wakorintho 7:1) Na nilizitupa katika nafasi ya kutupia uchafu!

Pia nilipaswa kuacha kutumia dawa za kulewesha na kuziuzisha. Hilo liliomba wakati fulani na kujikaza sana. Ili kufikia muradi huo, nilijua kama nilipaswa kuachana kabisa na marafiki wangu wa zamani. Kuendelea kuwa pamoja nao hakukunisaidia kufanya maendeleo ya kiroho. Lakini, kisha wakati fulani, nilianza kutegemea sana Mungu na kutegemea musaada wa marafiki wangu wapya katika kutaniko. Namna walinipenda na kunihangaikia ni mambo yenye nilikuwa sijaona hata kidogo hapo zamani. Kadiri miezi ilipita, mwishowe niliweza kuachana na dawa za kulewesha na ‘kuvaa utu mupya,’ wenye ungenisaidia kukubaliwa na Mungu. (Waefeso 4:​24) Katika mwezi wa 8, 1985, nilibatizwa na kuwa Shahidi wa Yehova.

FAIDA YENYE NIMEPATA

Biblia ilifanya maisha yangu yakuwe ya muzuri zaidi. Ilinitosha katika maisha hatari yenye yalikuwa yanaharibisha mwili wangu na heshima yangu. Kwa kweli, marafiki wangu wa zamani zaidi ya 30 walikufa wakiwa kijana kwa sababu ya ugonjwa wa UKIMWI ao SIDA ao kwa sababu ya magonjwa mengine yenye kuletwa na dawa za kulewesha. Niko mwenye shukrani sana kwa sababu kutumikisha kanuni za Biblia kulinisaidia nisipatwe na matokeo hayo hatari.

Visu na shoka zenye nilikuwa ninatembea nazo wakati nilikuwa kijana mwenye jeuri, sasa zimekuwa mambo ya zamani. Sikufikiria hata kidogo kama siku fulani ningebeba Biblia na kuitumia ili kusaidia watu. Leo, mimi na bibi yangu tunafanya utumishi wa wakati wote wa Mashahidi wa Yehova.

Wazazi wangu hawakufikia kuwa Mashahidi wa Yehova hata kidogo, lakini wanapendezwa na faida zenye nimepata kwa sababu ya kujifunza Biblia. Kwa kweli, baba yangu alikuwa hata anatetea Mashahidi wa Yehova mbele ya wafanyakazi wenzake wote. Ilionekana wazi kama imani yangu ya mupya ilikuwa imenisaidia kufanya mabadiliko makubwa ya muzuri. Mara nyingi mama yangu alisema kama nilipaswa kujifunza Biblia mbele ya wakati. Nilikubaliana naye kabisa!

Mambo yenye yamenifikia katika maisha yamenifundisha kama ni kukosa akili kutafuta furaha katika dawa za kulewesha na mambo mengine ya mubaya. Sasa ninapata furaha ya kweli kwa kusaidia wengine wajue mafundisho ya Neno la Mungu; mafundisho yenye yaliokoa kabisa maisha yangu.