BANGKOK—Maofisa wa serikali katika inchi ya Thailandi wanatumia vichapo vyenye kuchapishwa na Mashahidi wa Yehova katika mupango wa inchi wa kufundisha maofisa wa inchi juu ya mambo kama vile kulea watoto katika njia yenye kufaa, kuzuia jeuri nyumbani, na kuwa na afya ya akili na ya kimwili ya muzuri zaidi. Katika mwezi huu miaka tatu inaenea tangu maofisa wa inchi ya Thailandi walianza kutumia vichapo vya Mashahidi kushugulikia mambo mbalimbali ya wanainchi.

Programu ya Serikali ya Thailandi ya kufundisha katika inchi inapangwa na kuendeshwa katika maeneo mbalimbali katika Vituo vya Kujifunzia 8 700 katika inchi yote. Zaidi ya hilo, serikali imeanzisha vituo 11 vya kuzoeza viongozi wa maeneo mbalimbali vyenye kuitwa Vituo vya Kujifunzia vya Maendeleo. Chaiwat Saengsri, mwenye kusimama katikati katika picha yenye kuonyeshwa, mwenye kuwa musimamizi wa kituo katika jimbo la Nakhon Nayok lenye kuwa kaskazini mashariki mwa Bangkok, anaeleza hivi: “Ninapendezwa na Mashahidi kwa sababu kusudi la kazi yao liko wazi kabisa. Kusudi lao ni kusaidia watu wote wafikie kumujua Muumbaji. Sisi pia tuko na kusudi kama lao la kusaidia wanainchi wetu wakuwe na mwenendo muzuri zaidi ili wakuwe na amani na maisha mazuri.” Anaongeza hivi: “Kwa mufano, habari moja ya gazeti Amuka! yenye kichwa: ‘Jinsi ya Kuepuka Maneno Yenye Kuumiza’ iko na habari yenye Wizara ya Maendeleo ya Maeneo na Usalama wa Wanadamu inajaribu kufundisha viongozi katika maeneo yetu. Tuliona kwamba habari hiyo inafaa sana kwa ajili ya kuwazoeza.” Kisha hapo, Chaiwat aliwaomba Mashahidi waleta vichapo vya yao kwenye mukutano wa SMART Leader (Kiongozi MWEREVU), wenye ulihuzuriwa na viongozi 100 na walimu 20 kutoka maeneo 28 ili kuzoezwa jinsi ya kuongoza na kuleta maendeleo katika maeneo. Mashahidi wamesimama pembeni ya Chaiwat katika picha yenye kuwa juu.

Anthony Petratyotin, musemaji wa Mashahidi wa Yehova katika inchi ya Thailandi, anasema hivi: “Tunafurahi kujua kwamba viongozi katika maeneo wanatumia muzuri mashauri yenye kutegemea Biblia yenye kupatikana katika vichapo vyetu. Tutaendelea kuhakikisha kwamba maofisa wanapata vichapo vyetu, na pia tutaendelea na kazi yetu kubwa ya kuwahubiria watu wote.”

Watangazaji wa Habari Wanaweza Kuzungumuza na:

David A. Semonian, Biro yenye kutoa habari, tel. +1-845-524-3000

Thailandi: Anthony Petratyotin, tel. +66-2-375-2200