Hamia kwenye habari

Sera ya Ulimwenguni Pote ya Kutumia Taarifa za Kibinafsi

Sera ya Ulimwenguni Pote ya Kutumia Taarifa za Kibinafsi

MATUMIZI YA TAARIFA ZA KIBINAFSI

Sehemu nyingi za tovuti hii hazihitaji ujisajili wala kutuma habari zozote kwetu ili uzitumie. Hata hivyo, baadhi ya sehemu zinaweza kutumiwa na watumiaji waliojisajili, wale waliotuma maombi, au wale ambao taarifa zao za kibinafsi zimetumwa kwetu kutoka katika kutaniko la Mashahidi wa Yehova kupitia jw.org. Tutashughulikia taarifa zako za kibinafsi kulingana na vile ulivyokubali zitumiwe. Katika visa vingine, hata kama umevunja makubaliano, tunaweza kuwa na msingi halali wa kisheria wa kuendelea kushughulikia taarifa zako, ikiwa matakwa ya kisheria yanaturuhusu kufanya hivyo.

Taarifa za kibinafsi tunazopata kutoka kwako zilizoko kwenye tovuti yetu zinatumiwa kwa makusudi uliyoelezwa wakati ukijaza maombi. Makusudi hayo yanaweza kutia ndani mambo yafuatayo:

Akaunti. Anwani ya barua-pepe unayotumia unapofungua akaunti katika tovuti hii itatumiwa kuwasiliana nawe kuhusiana na akaunti yako. Kwa mfano, ukisahau jina lako la mtumiaji au nywila (nenosiri) yako na kuomba usaidiwe kuingia kwenye tovuti, utasaidiwa kupitia ujumbe utakaotumwa kwenye anwani ya barua-pepe uliyoingiza habari fupi kukuhusu.

Maombi. Ikiwa unastahili kulingana na mafundisho na sera za Mashahidi wa Yehova, unaweza kutumia tovuti hii kufungua akaunti ya kibinafsi, kutuma maombi, au kutaniko lako linaweza kutumia tovuti hii kutuma maombi kwa niaba yako ikiwa ungependa kuongeza utumishi wako wa kidini. Habari zako za kibinafsi zilizo katika maombi yako zinaweza kutia ndani habari za kibinafsi ulizoandika, zilizoandikwa na wazee wa kutaniko lako, au mwangalizi wa mzunguko. Katika kisa hicho, taarifa hizo zitatumika tu kwa ajili ya kushughulikia na kuzingatia maombi yako na kwa madhumuni ya usimamizi, kutia ndani kuingiza maelezo yanayokuhusu yakiwa sehemu ya mchakato wa kushughulikia ombi. Ikihitajika, taarifa zako katika maombi zinaweza kupelekwa katika ofisi nyingine za tawi, makao makuu ya Mashahidi wa Yehova, au mashirika mengine yanayotumiwa na Mashahidi wa Yehova katika nchi mbalimbali ili zishughulikiwe. Katika visa vyote, kila ombi linashughulikiwa peke yake, hakuna maombi yanayoshughulikiwa kielektroni.

Michango. Ukitoa mchango wa pesa mtandaoni, tutahitaji jina lako na anwani au namba ya simu. Michango inayotolewa kupitia kadi za benki, hushughulikiwa na kampuni zinazotegemeka zinazotoa huduma za kuhamisha pesa mtandaoni na ambazo zina sera za ulinzi na usalama wa taarifa za kibinafsi zinazotambulika duniani pote. Tunaweza kupokea taarifa zako za kiuchumi, kama vile namba ya kadi ya benki au namba ya akaunti ya benki ili kushughulikia michango yako, na kutuma habari zinazohitajiwa na wale wanaotoa huduma. Tunashughulikia mchango wako kwa njia salama ambazo zinapatana na viwango vya usalama wa taarifa za malipo (Payment Card Industry Data Security Standard). Anayepokea mchango atahifadhi rekodi ya kupokea pesa hizo kwa angalau miaka kumi. Rekodi hiyo inatia ndani rekodi ya tarehe ambayo mchango ulitolewa, kiasi kilichotolewa, na njia iliyotumiwa. Hivyo, tutaweza kwenda sambamba na masharti ya uhasibu na kujibu maswali yoyote kutoka kwako kwa kipindi hicho. Hatutawasiliana nawe ili kuomba michango zaidi.

Maombi ya Kupata Habari Zaidi au Kujifunza Biblia. Unaweza pia kuomba habari zaidi au kujifunza Biblia kupitia tovuti yetu. Tutatumia tu habari za kibinafsi ulizotuma kwenye maombi yako kulingana na kile unachohitaji. Taarifa zako zinaweza kupelekwa kwenye ofisi nyingine za tawi au mashirika mengine yanayotumiwa na Mashahidi wa Yehova ikiwa ni muhimu kufanya hivyo ili kutekeleza maombi yako.

Makusudi Mengine. Unaweza kutuma taarifa zako za kibinafsi (kama vile jina, anwani ya posta, na namba ya simu) kwa ajili ya makusudi mengine tofauti na kufungua akaunti, kutuma maombi, au kutuma mchango. Katika kila kisa, kusudi la kuombwa utupatie taarifa hizo zinakuwa wazi kabisa. Hatutatumia taarifa zako unazotupatia kwa ajili ya mambo ambayo huelezwi unapozitoa.

Tunakusanya, kuhifadhi, na kutumia taarifa za kibinafsi kwa ajili ya jambo unalohitaji tu, na tunazitunza taarifa hizo kwa muda tu ambao jambo hilo linashughulikiwa au kwa ajili ya makusudi mengine halali ya kutumia taarifa hizo. Katika hali hiyo, ikiwa utaamua kuficha baadhi ya taarifa za kibinafsi ambazo tumeziomba kutoka kwako, hutaweza kupata kibali cha kutumia sehemu fulani za tovuti au hatutaweza kujibu maombi yako.

Taarifa unazotupatia katika maombi yako zinapelekwa kwa wale wanaohusika kuyashughulikia ili watimize kusudi la kutuma taarifa zako au kwa wataalamu wa ufundi wanaofanya kazi inayohusiana na kuendesha na kudumisha mfumo wa tovuti. Hatuwezi kumpa mtu yeyote taarifa zako za kibinafsi. Tutampa tu ikiwa (1) ni muhimu kufanya hivyo ili upate huduma uliyoomba na tutahakikisha unajua jambo hilo; (2) tunaamini kabisa kwamba kutoa taarifa hizo ni muhimu kutekeleza sheria au utaratibu unaotumika; (3) tunahitaji kuwajibu wenye mamlaka ya kusimamia sheria; au (4) inahitajika ili kutambua na kuzuia udanganyifu kwa ajili ya masuala ya kiusalama au kiufundi. Kwa kutumia tovuti hii, unakubali taarifa zako za kibinafsi zifunuliwe kwa mtu kwa ajili ya makusudi hayo pekee. Kwa hali yoyote ile, taarifa zozote za kibinafsi unazotupatia hazitauzwa, kufanyiwa biashara, au kukopeshwa.

KUTUMA TAARIFA NCHI NYINGINE

Shirika hili la kidini linafanya kazi ulimwenguni pote kupitia mashirika mbalimbali ya kisheria. Baadhi ya vifaa vinavyotoa huduma katika tovuti hii viko Marekani. Tunaweza kutuma taarifa zako katika nchi nyingine, inawezekana zikatumwa katika nchi ambako sheria zao za kulinda taarifa ni tofauti kabisa na sheria za kulinda taarifa za nchi unamoishi. Tunaposhughulikia na kutuma taarifa zako za kibinafsi, tunachukua hatua madhubuti kulinda taarifa zako. Tunatarajia kwamba mashirika yote yanayotumiwa na Mashahidi wa Yehova na yanayotegemeza kazi yao yafuate sera zetu za kulinda taarifa na sheria na taratibu hususa za taarifa za kibinafsi.

Kwa kutembelea tovuti hii na kuwasiliana nasi katika mtandao unaonyesha kwamba unakubali taarifa zako zitumwe kwenye nchi nyingine.

HAKI ZAKO

Wakati wowote unapotuma taarifa za kibinafsi, tunachukua hatua zinazofaa kuhakikisha kwamba taarifa zako za kibinafsi ni sahihi na zinarekebishwa kwa ajili ya makusudi yaleyale yaliyofanya zikusanywe. Kwa kutegemea nchi unayoishi na sheria zinazokubalika za kulinda taarifa, unaweza kuwa na haki zifuatazo kuhusiana na taarifa za kibinafsi unazotutumia:

  • Unaweza kuomba habari kuhusu jinsi taarifa hizo za kibinafsi zinavyokusanywa na kutumiwa kulingana na sheria zinazokubalika katika nchi yenu;

  • Unaweza kuomba kuingia, kufunga, kufuta, au kurekebisha taarifa zako za kibinafsi ikiwa hazijakamilika au si sahihi;

  • Ikiwa ni halali kisheria kufanya hivi, unaweza kuomba taarifa zako za kibinafsi zisiendelee kushughulikiwa.

Ikiwa nchi unayoishi ina sheria zinazokubalika za kulinda taarifa na unataka kuingia, kurekebisha, au kufuta taarifa zako za kibinafsi, unaweza kupata taarifa za mawasiliano kwenye ukurasa wa Mawasiliano ya Kulinda Taarifa.

Unapotutumia maombi yako, baada ya kutuma ushahidi kamili wa utambulisho wako na taarifa za kutosha zinazoturuhusu kutambua taarifa zako za kibinafsi, wanaohusika katika kudhibiti taarifa watazingatia ombi lako kwa kulinganisha faida za mtu za kuweza kuingia kwenye taarifa zake au kuzirekebisha au kufuta taarifa zake na masilahi ya tengenezo, kutia ndani labda ikiwa kukubaliwa kwa maombi hayo kunaweza kuhatarisha haki ya uhuru wa ibada na shughuli za tengenezo. Pia, tutampa taarifa mtu yeyote wa tatu kuhusu mabadiliko yanayohitajika.

Tafadhali zingatia kwamba huenda taarifa zako zisiweze kufutwa ikiwa sheria inataka zishughulikiwe au ikiwa zinahitaji kutunzwa kwa misingi mingine ya kisheria. Kwa mfano, shirika hili la kidini linaweka taarifa za kudumu za mtu zinazoonyesha kwamba yeye ni Shahidi wa Yehova. Kufuta taarifa ya aina hiyo kutaingilia utendaji wa tengenezo na imani ya dini. Maombi ya kufuta taarifa za kibinafsi yanategemea tutumiwe ripoti iliyotolewa mahakamani au hati inayoonyesha matakwa ya muda wa kutumia taarifa hizo. Pia, unaweza kupeleka malalamiko yako kwa wenye mamlaka ya kulinda taarifa kuhusu kutumiwa kwa taarifa ulizotupatia kupitia tovuti hii.