Mfanyakazi akijitayarisha kushusha kifaa cha kuzuia takataka kwenye Ziwa Sterling Forest (Blue Lake). Kifaa hicho kitazuia takataka kubwa zisipite.

Wafanyakazi wakijenga ukuta wa kingo kwenye eneo lilio juu ya Jengo la Udumishaji. Mbinu hiyo wanayotumia ni rahisi zaidi.

Mpiga-picha akipiga picha kwenye eneo la ujenzi. Baraza Linaloongoza la Mashahidi wa Yehova huangalia picha kila wiki ili kujua maendeleo ya mradi.

Wajitoleaji wawili kutoka kusini mwa California wamefika ili kufanya kazi katika Idara ya Mabomba. Wao ni miongoni mwa mamia ya wafanyakazi waliofika Mei 30, 2015 eneo la Tuxedo, linalotegemeza ujenzi wa Warwick. Agosti 1, kulikuwa na kilele kipya cha wajitoleaji wapya waliofika ili kusaidia kazi ya ujenzi.

Mwanakandarasi akitumia kreni kuinua na kusimamisha ukuta. Jengo la Makazi B lilikuwa jengo la mwisho kuwekwa kuta na madirisha.

Daraja linalounganisha Jengo la Makazi C na D likiwekwa na wanakandarasi.

Wafanyakazi wakitandaza nyasi upande wa magharibi mwa eneo la ujenzi la Warwick.

Wafanyakazi wakirekebisha mfereji wa kupunguza maji ya bwawa. Mfereji huo ulijengwa miaka ya 1950. Marekebisho hayo yanafanywa kwa sababu ya dhoruba kali zaidi na mvua kubwa inayokumba eneo hilo kwa sasa. Hivyo mfereji huo utasaidia kuzuia uharibifu unaotokana na mafuriko kwenye eneo la ujenzi la Warwick na maeneo ya jirani.

Ili kupunguza msongamano katika eneo la ujenzi, kazi zinazofanywa ndani kama vile kupanga rangi na kufunika mabomba, zilifanywa usiku. Mamia ya wafanyakazi wa kikosi cha pili walipangiwa kufanya kazi kuanzia saa 9:00 mchana hadi saa 8:00 usiku.

Mfanyakazi akimzoeza mwenzake kazi ya kufunika mabomba ili kuzuia maji kuganda wakati wa baridi kali.

Mfanyakazi akipaka rangi daraja linalounganisha Jengo la Makazi B na Jengo la Udumishaji.

Wafanyakazi wakisubiri kwenye eneo la kuegesha magari, kusafirishwa mpaka Warwick. Mabasi kadhaa huwapeleka wafanyakazi kwenye eneo la kazi na kuwarudisha.

Wafanyakazi watatu wa Warwick wakinyolewa nywele. Zaidi ya watu 400 hunyolewa kila wiki kwenye vyumba vya kunyolea nywele vilivyoko Tuxedo, Warwick, na kwenye bohari iliyoko Montgomery.

Sehemu za kuweka zege ikiandaliwa katika eneo la uzalishaji wa nishati ya mvuke kutoka ardhini. Kwa kutumia visima 120 vyenye kina chenye urefu wa meta 150 , mfumo huo utasaidia kuleta joto wakati wa majira ya baridi na kuleta baridi wakati wa kiangazi. Nishati ya mvuke unaotoka ardhini inapunguza gharama na pia ni matumizi mazuri ya mazingira katika eneo la Warwick.

Vifaa vya kazi vikiletwa na kukusanywa kwa ajili ya kazi maalumu kwenye eneo la ujenzi la Warwick.

Wafanyakazi wawili wa Warwick (wa pili na watatu kutoka kulia) wakifurahia mlo pamoja na familia inayoishi eneo hilo. Familia nyingi za Mashahidi wa Yehova zimejitolea kuwakaribisha wajitoleaji wanaofanya kazi ya ujenzi kuishi katika nyumba zao.

Mfanyakazi akipima urefu kwa kutumia darubini maalumu.

Kazi ya kuweka vioo kwenye eneo la mapokezi kwa ajili ya wageni wanaokuja kutembelea eneo hilo, tayari imekamilika.

Kati ya Mei na Agosti, kuta na paa zilikamilishwa kuwekwa kwenye Jengo la Makazi B, ambalo ni jengo la makazi la mwisho kukamilishwa. Madaraja ya wanaotembea kwa miguu yanayounganisha majengo mbalimbali yaliwekwa, na baada ya hapo wafanyakazi walianza kazi ya kutengeneza mandhari.