Vipimo vya ufikikaji

Chagua lugha

Hamia kwenye menyu ya pili

Hamia kwenye habari

Mashahidi wa Yehova

Kiswahili

Usomaji wa Biblia Uliorekodiwa na Mamia ya Wasomaji

“Inasisimua, inakufanya uwe makini na kutafakari.”

“Inafanya usomaji wa Biblia uwe halisi sana.”

“Unavutiwa kusikiliza! Mambo ambayo nimesoma maisha yangu yote sasa ninayaona kuwa halisi zaidi.”

Hivyo ndivyo baadhi ya watu waliosikiliza usomaji wa kitabu cha Biblia cha Mathayo walivyosema. Rekodi hiyo inapatikana katika lugha ya Kiingereza kwenye Tovuti ya jw.org.

Mashahidi wa Yehova walianza kuandaa rekodi ya kwanza ya usomaji wa Biblia katika mwaka wa 1978. Baadaye, rekodi ya usomaji wa tafsiri hiyo ya Biblia, ilitolewa katika lugha 20, ikiwa nzima au kwa sehemu.

Mwaka 2013, Tafsiri ya Ulimwengu Mpya iliyorekebishwa ilitolewa katika lugha ya Kiingereza, hivyo rekodi mpya ya usomaji wa Biblia ilihitajika. Lakini tofauti na rekodi za awali zilizofanywa na wasomaji watatu tu, rekodi hizo mpya zitakuwa na sauti ya mtu tofauti kwa ajili ya wahusika zaidi ya 1,000 katika Biblia.

Kutumia wasomaji mbalimbali kunawasaidia wasikilizaji kupiga picha akilini ya matukio yaliyoandikwa katika Biblia. Ingawa rekodi hizo si drama za usomaji wa Biblia, zenye sauti za ziada na muziki, bado ni zenye kufanya matukio ya Biblia yawe halisi zaidi.

Mradi unaohusisha wasomaji wengi kadiri hiyo, unahitaji maandalizi yenye kina. Kwanza, watafiti walihitaji kutambua ni nani anayezungumza katika kila simulizi, maana ya simulizi hilo, na hisia zinazohusika. Kwa mfano, ikiwa katika tukio fulani la Biblia mmoja wa mitume ananukuliwa bila kutajwa jina lake hususa, ni sauti ya msomaji gani itakayotumiwa? Ikiwa maneno yanayosemwa ni ya kutilia shaka jambo fulani huenda yakasomwa na msomaji wa sehemu za Tomasi, na huenda maneno yanayoonyesha mtu anayezungumza bila kufikiri au kutokana na msisimuko yakasomwa na msomaji wa sehemu za Petro.

Pia, umri wa mhusika wa Biblia aliyenukuliwa ulizingatiwa. Manukuu ya mtume Yohana akiwa kijana yalisomwa na mwanamume mwenye sauti ya kijana, na manukuu ya mtume Yohana akiwa amezeeka, yalisomwa na mwanamume mwenye sauti ya mzee.

Zaidi ya hilo, kulikuwa na uhitaji wa kutafuta wasomaji wazuri. Wengi wao walichaguliwa kutokana na wale wanaotumikia katika ofisi ya tawi ya Mashahidi wa Yehova ya Marekani. Wasomaji walijiandaa na kufanyiwa majaribio kwa kusoma mafungu fulani kutoka gazeti la Amkeni! Pia, walisoma mistari ya Biblia iliyohitaji kusomwa kwa hisia mbalimbali, kama vile hasira, huzuni, shangwe au kuvunjika moyo. Majaribio hayo yalisaidia kukadiria uwezo wa kila msomaji na aina ya usomaji utakaomfaa.

Wasomaji wanapopokea migawo yao, wanafika kwenye mojawapo ya studio zilizoko Brooklyn, Patterson, au Wallkill, na kurekodi sehemu zao. Mwelekezi anahakikisha wasomaji wanasoma kwa hisia inayofaa, kwa sauti bora. Mwelekezi na msomaji wanatumia hati iliyoandaliwa kwa njia ya pekee inayoonyesha sehemu za kutua na za kutia mkazo katika kila simulizi. Mwelekezi huyo pia husikiliza rekodi za usomaji wa toleo la awali la Tafsiri ya Ulimwengu Mpya ili zimwongoze.

Uhariri hufanywa ndani ya studio kwa kadiri fulani wakati wa kurekodi. Ili kupata usomaji bora zaidi, sentensi moja hurudiwa mara kadhaa na nyakati nyingine wahariri huhitaji kuunganisha maneno au sehemu mbalimbali zilizotolewa katika sentensi tofauti-tofauti.

Hatujui itachukua muda gani kukamilisha rekodi hiyo ya usomaji wa Tafsiri ya Ulimwengu Mpya iliyorekebishwa ya 2013. Hata hivyo, baada ya rekodi ya usomaji wa kitabu fulani cha Biblia kukamilika, itapakiwa kwenye Tovuti ya jw.org katika Kiingereza, na ishara ya rekodi za sauti itaonekana kando ya jina la kitabu cha Biblia kilichorekodiwa kwenye ukurasa wenye kichwa “Vitabu vya Biblia.”

Pata Kujua Mengi Zaidi

Kwa Nini Mashahidi wa Yehova Wamechapisha Tafsiri ya Ulimwengu Mpya?

Ni nini kinachofanya tafsiri hii ya Neno la Mungu iwe ya kipekee?

Kwa Nini Ujifunze Biblia?

Biblia inawapa mamilioni ya watu ulimwenguni pote majibu ya maswali muhimu maishani. Je, ungependa kuwa mmoja wao?