Vipimo vya ufikikaji

Chagua lugha

Hamia kwenye menyu ya pili

Hamia kwenye habari

Mashahidi wa Yehova

Kiswahili

Karne ya Muziki wa Kumsifu Mungu

Karne ya Muziki wa Kumsifu Mungu

“Ninataka uende kwenye studio za Kolombia kule New York City na uimbe moja ya nyimbo zetu. Wao wataurekodi kwa utaalamu wimbo huo. Usimwambie yeyote jambo hili.”

William Mockridge

Mwishoni mwa mwaka wa 1913, William Mockridge alitimiza mgawo huo usio wa kawaida ambao alipewa na Charles Taze Russell. * Wimbo huo, ambao watu fulani waliuita “The Sweet By-and-By” (Mambo Mazuri Yatakayokuja Baadaye), ulirekodiwa katika muundo wa kasi ya mizunguko 78 kwa dakika. Baadaye, William alipata habari kwamba wimbo huo ungetumiwa wakati wa ufunguzi wa sinema ya Photo-Drama of Creation,” sinema iliyokuwa na hotuba za Biblia zilizorekodiwa na muziki ulioenda sambamba na video zisizo na sauti pamoja na picha zilizochorwa kwenye slaidi za vioo. Sinema ya “Photo-Drama” ilionyeshwa kwa mara ya kwanza mnamo Januari, 1914 katika jiji la New York City.

Wimbo wa William ulikuwa miongoni mwa nyimbo zaidi ya 50 zilizochezwa kwenye gramafoni katika maonyesho mbalimbali ya sinema ya “Photo-Drama” yaliyofanywa katika lugha ya Kiingereza. Ingawa nyimbo nyingi kati ya hizo zilikuwa zimeimbwa na kutayarishwa na watu wengine, nyimbo chache, kutia ndani ule ulioimbwa na William, ziliteuliwa rasmi na Wanafunzi wa Biblia na kuimbwa kwa kutumia maneno kutoka katika kitabu cha nyimbo cha Wanafunzi wa Biblia kilichoitwa Hymns of the Millennial Dawn.

Kukazia Uangalifu Maneno

Kwa miaka mingi, Mashahidi walitumia nyimbo za ibada zilizotungwa na wengine. Ilipohitajika, walibadili maneno ya wimbo ili kuufanya upatane na uelewaji wao wa Biblia.

Kwa mfano, wimbo mmoja uliochezwa wakati wa kuonyesha sinema ya “Photo-Drama” uliitwa “Our King Is Marching On,” (Mfalme Wetu Anapiga Mwendo). Wimbo huo ulitokana na wimbo ulioitwa “Battle Hymn of the Republic” (Wimbo wa Vita wa Jamhuri). Mstari wa kwanza wa “Battle Hymn” unaanza hivi: “Macho yangu yameona utukufu wa kuja kwa Bwana.” Hivyo, Wanafunzi wa Biblia walibadili maneno ya wimbo huo ili yaseme: “Macho yangu yanaweza kuona utukufu wa kuwapo kwa Bwana.” Badiliko hili lilipatana na imani yao kwamba utawala wa Yesu Kristo ulihusisha si kuja kwake tu, bali kuwapo kwake kwenye kipindi hususa cha wakati.Mathayo 24:3.

Kitabu Kuimba na Kufuatana Wenyewe kwa Muziki Katika Mioyo Yenu kilipochapishwa katika mwaka 1966, jitihada zilifanywa ili kuondoa muziki wowote uliotungwa na dini nyingine au uliotokana na vyanzo vingine visivyo vya kidini. Mwaka huo, Mashahidi walikusanya kikundi kidogo cha okestra na kurekodi nyimbo zote 119 zilizokuwepo ndani ya kitabu hicho. Mashahidi walitumia rekodi hizo walipoimba katika mikutano yao ya ibada, na wengine wao walifurahia kuzisikiliza nyumbani.

Mnamo 2009, Mashahidi wa Yehova walichapisha kitabu kipya cha nyimbo, Mwimbieni Yehova. Muziki wa Kuimbwa wa nyimbo za kitabu hiki, tayari umerekodiwa katika makumi ya lugha. Mwaka 2013 Mashahidi walianza kutokeza video za muziki kwa ajili ya watoto. Mojawapo ya video hizo ina kichwa Sali Wakati Wowote. Kila mwezi, watu hutembelea tovuti ya jw.org mara milioni kadhaa hivi na kupakua nyimbo hizo. Wengi wameshukuru kwa sababu ya kupokea miziki hiyo. Mwanamke mmoja anayeitwa Julie aliandika hivi, kuhusu Mwimbieni Yehova: “Nyimbo hizo mpya ni nzuri sana! Ninapokuwa peke yangu, mimi husikiliza nyimbo zinazoonyesha hisia zangu za ndani kabisa. Nahisi uhusiano wangu na Yehova ukizidi kuimarika, na nimeazimia kabisa kumtumikia kwa nafsi yote.”

Akizungumzia kuhusu jinsi video Sali Wakati Wowote ilivyowavutia watoto wake wenye umri wa miaka saba na tisa, mama anayeitwa Heather aliandika hivi: “Imewasaidia watoto wangu kusali, si mwanzoni mwa siku tu au tunapokuwa nao tu, bali wakati wowote wanapohisi kwamba wanataka kuongea na Yehova.”

^ fu. 3 Charles Taze Russell (1852–1916) ndiye aliyeongoza katika kazi ya Wanafunzi wa Biblia, kama Mashahidi wa Yehova walivyoitwa wakati huo.

Pata Kujua Mengi Zaidi

Muziki Unaoimbwa Katika Lugha Nyingi

Soma kuhusu matatizo ya pekee ya kutafsiri maneno ya nyimbo katika lugha nyingi.

Maonyesho ya Kihistoria Kwenye Makao Makuu

Jifunze kuhusu historia yenye kusisimua ya Wakristo wa mapema na urithi wa kiroho wa Mashahidi wa Yehova. Katika maonyesho hayo ambayo hutahitaji kuongozwa na mtu utajionea mamia ya hati, picha, na vitu vingine vya kale.