Vipimo vya ufikikaji

Chagua lugha

Hamia kwenye menyu ya pili

Hamia kwenye habari

Mashahidi wa Yehova

Kiswahili

Biblia Kutoka Japani

Biblia Kutoka Japani

Ili kufaulu kukabiliana na uhitaji wa kutokeza Biblia zenye jalada gumu pamoja na Biblia za deluxe, Mashahidi wa Yehova wameweka vifaa vipya vya kujalidi vitabu katika kiwanda cha uchapishaji huko Ebina, Japani.

Mwanzoni, kulikuwa na wasiwasi kidogo kwa sababu ya tetemeko la nchi na tsunami iliyotukia huko Japani Machi 11, 2011, ilikatiza usambazaji wa umeme.

Hata hivyo, kazi hiyo ilianza mnamo Septemba 2011. Baada ya miezi mitatu, nakala za kwanza za Tafsiri ya Ulimwengu Mpya katika Kichina zilitokezwa na mashine hizo mpya za kujalidi vitabu.

Mashine hiyo inapitisha vitabu umbali wa mita 400 hivi. Vitabu vilivyochapishwa vinapopitia humo vinaunganishwa, vinajalidiwa, vinabanwa, vinapangwa kimoja juu ya kingine, kisha vinapakiwa katika makatoni na kufungwa halafu vinawekwa juu ya mbao zinazotumiwa katika usafirishaji.

Mradi Unafaulu kwa Sababu ya Ushirikiano

Kupanga mambo kwa uangalifu na ushirikiano ulihusika katika kufanya mradi huo ufaulu. Kwa mfano, mashine hizo za kujalidi zilihitaji kufungwa, kutiwa katika kreti, na kupakiwa katika makontena 34 ili zisafirishwe kutoka Ulaya hadi Japani.

Washiriki 10 wa ofisi ya tawi ya Mashahidi wa Yehova nchini Marekani walisafiri hadi Japani kusaidia katika mradi huo. Wengine walikaa huko kwa miezi sita hivi, wakiwafundisha wafanyakazi huko Japani jinsi ya kuendesha na kudumisha mashine hizo.

Vifaa hivyo vipya vya kujalidi viliwavutia sana watu walio na biashara za kujalidi, kuchapisha, na kutokeza vitabu. Machi 19, 2012, zaidi ya watu 100 walio katika uwanja huo walitembelea majengo hayo. Walistaajabu sana.

Kabla ya kuondoka, kila mmoja wao alipewa nakala ya Tafsiri ya Ulimwengu Mpya iliyotokezwa katika mashine hizo.

Ofisi ya tawi ya Japani sasa inajiunga pamoja na ofisi zetu za tawi za Marekani na Brazili kutokeza Biblia za Mashahidi wa Yehova zinazotumiwa ulimwenguni pote zilizo na jalada gumu.

‘Kazi Inayofuata Itakuwa Ngumu Sana’

Mashahidi pamoja na watu waliokuja kutoka kampuni za nje kusaidia katika mradi huo walifurahi kufanya kazi pamoja. Mfanyakazi mmoja ambaye si Shahidi alisema hivi: “Ninyi ni kama familia yangu.

Siku ya mwisho ya mradi huo, mfanyakazi mwingine ambaye si Shahidi alisema: “Kazi inayofuata itakuwa ngumu sana kwa sababu haitakuwa yenye kupendeza kama hii ya watu wa Mnara wa Mlinzi! ”

Pata Kujua Mengi Zaidi

Kazi ya Uchapishaji ya Ulimwenguni Pote Inayowasaidia Watu Kujifunza Kumhusu Mungu

Mashahidi wa Yehova wanaendesha viwanda vya uchapishaji 15 ulimwenguni pote, wakichapisha machapisho yanayotegemea Biblia katika lugha 700 hivi.