Vipimo vya ufikikaji

Chagua lugha

Hamia kwenye menyu ya pili

Hamia kwenye habari

Mashahidi wa Yehova

Kiswahili

Atlanta Yawakaribisha kwa Uchangamfu Mashahidi wa Yehova

“Nawavulia kofia washiriki wa tengenezo lenu kwa tamaa na bidii yao kwa ajili ya ufalme wa Mungu. Jitihada na michango yenu kwa niaba ya Mashahidi wenzenu na jamii zinathaminiwa sana.”

Hivyo ndivyo barua kutoka kwa Kasim Reed, meya wa jiji la Atlanta, Georgia, Marekani ilivyosema. Barua hiyo iliwakaribisha Mashahidi wa Yehova kwenye makusanyiko matatu makubwa yaliyopangwa kufanyiwa huko.

Vivyo hivyo, Baraza la Jiji la Atlanta lilitoa tangazo la kuwakaribisha wajumbe wa kusanyiko. Tangazo hilo lilisema: “Kuna Mashahidi wa Yehova milioni nane hivi ulimwengu pote, watu wa . . . makabila na lugha nyingi tofauti-tofauti, hata hivyo . . . mmeunganishwa na miradi ile ile . . . [Mnataka] kumheshimu Yehova, Mungu wa Biblia na Muumba wa vitu vyote.”

Makusanyiko matatu yalifanyiwa huko katika miezi ya Julai na Agosti 2014, mawili yalifanywa katika Kiingereza na la tatu katika Kihispania. Wajumbe walitoka katika nchi 28 hivi, na programu ya Kiingereza ilitafsiriwa katika Kirusi na Kijapani kwa wakati mmoja ili wajumbe wanaozungumza lugha hizo wafaidike pia. Jumla ya wahudhuriaji wa makusanyiko yote matatu ilikuwa 95,689.

Katika mwaka wa 2014, Mashahidi wa Yehova walifanya makusanyiko 24 makubwa katika nchi tisa, kutia ndani makusanyiko 16 yaliyofanywa katika maeneo mbalimbali nchini Marekani.

Pata Kujua Mengi Zaidi

Ufalme wa Mungu Ni Nini?

Mfalme wa Ufalme wa Mungu ni nani, na Ufalme huo utafanya nini?