Vipimo vya ufikikaji

Chagua lugha

Hamia kwenye menyu ya pili

Hamia kwenye habari

Mashahidi wa Yehova

Kiswahili

Mashahidi wa Yehova Wapewa Tuzo kwa Kuwasaidia Wafungwa

Mashahidi tisa wa Yehova nchini Australia wametunukiwa vyeti vya shukrani kwa sababu ya “huduma bora” wanayotoa kwa wafungwa walio katika gereza moja kubwa la wahamiaji nchini humo. Mashahidi walitunukiwa tuzo hizo na Gereza la Wahamiaji la Curtin lililo karibu na jiji la Derby, Australia Magharibi. *

Kila juma, Mashahidi huwatembelea wafungwa ili kusikiliza wanaposimulia mambo wanayokabili na kuwaeleza ujumbe wa Biblia unaotoa faraja na tumaini. Christopher Riddoch, ofisa anayeshughulikia mambo ya dini na utamaduni katika gereza hilo alisema, “Matokeo huonekana muda mfupi tu baada ya Mashahidi kuwatembelea wafungwa.” Alisema kwamba wanaume hao huwa wenye furaha zaidi baada ya kutembelewa na Mashahidi kwa sababu “wanajua kuna watu wanaowajali kikweli.”

Pia, Bw. Riddoch alisema kwamba wamewapa Mashahidi vyeti hivyo ili kuwashukuru kwa “kuboresha maisha ya watu walio chini ya utunzaji wao.” Aliongezea kusema kwamba Mashahidi hao “wameletea sifa familia zao, kutaniko lao, na dini yao.”

^ fu. 2 Gereza hilo linaweza kuhifadhi wafungwa 1,500 hivi wa kiume.

Pata Kujua Mengi Zaidi

Mashahidi wa Yehova Ni Watu wa Aina Gani?

Unawafahamu Mashahidi wangapi wa Yehova? Unajua nini hasa kutuhusu?

Je, Dini, Mungu, au Biblia Inaweza Kukusaidia Uhisi Vizuri Kuhusu Maisha Yako?

Jifunze jinsi urafiki pamoja na Mungu unavyoweza kuboresha maisha yako sasa na wakati ujao.