Vipimo vya ufikikaji

Chagua lugha

Hamia kwenye menyu ya pili

Hamia kwenye habari

Mashahidi wa Yehova

Kiswahili

Kuwasaidia Wanafunzi Wafanikiwe Shuleni Nchini Thailand

Kuanzia Desemba 2012, Mashahidi wa Yehova nchini Thailand walifanya kampeni ya pekee ya kuwasaidia wanafunzi wafanikiwe shuleni. Mashahidi 20 walitembelea shule zilizo katika jiji la Bangkok. Walizungumza na wasimamizi wa kila shule na kuwapa walimu na wanafunzi toleo la Oktoba 2012 la gazeti la Amkeni! lenye kichwa “Jinsi Unavyoweza Kufanikiwa Shuleni.”

Kwa sababu kampeni hiyo ilikuwa yenye mafanikio, Mashahidi waliifanya nchi nzima. Kwa mwaka mmoja na nusu, waliwasiliana na shule 830 na kutambua kwamba wanafunzi na walimu walitaka sana kupokea toleo hilo la Amkeni! hivi kwamba gazeti hilo lilirudiwa kuchapishwa kwa mara tatu zaidi ili kukimu maombi yote. Ombi la kwanza la toleo la Oktoba 2012 la gazeti la Amkeni! lilikuwa la nakala 30,000. Hata hivyo, habari iliyomo ilipendwa sana hivi kwamba zaidi ya nakala 650,000 ya gazeti hilo zimesambazwa!

Wenye mamlaka shuleni na walimu walitambua mara moja thamani ya gazeti la Amkeni! Mwalimu mmoja alisema hivi: “Gazeti hili litawasaidia wanafunzi kuwa na uhusiano mzuri na familia zao na kujiwekea miradi.” Baadhi ya shule zilitia habari hizo ndani ya masomo ya kawaida ya darasa. Nyingine zilitumia gazeti hilo kwa ajili ya mazoezi ya kujifunza kusoma. Shule moja iliwaagiza wanafunzi waandike ripoti kuhusu habari zinazopatikana kwenye gazeti hilo, na walioandika ripoti bora zaidi walituzwa.

Mwanafunzi mmoja wa kike alithamini makala yenye kichwa “Kushinda Tatizo la Kunenepa Kupita Kiasi” inayopatikana ndani ya gazeti hilo. Alisema kunenepa kupita kiasi ni tatizo ambalo limeongezeka sana na kwamba rafiki zake hawajihisi huru kulizungumzia pamoja na watu wengine. Alisema hivi: “Asanteni kwa kutoa mashauri yanayoeleweka na yaliyo rahisi kutumia.”

Wazazi pia wamethamini gazeti hilo. Mama mmoja aliwashukuru Mashahidi walipomtembelea nyumbani kwa sababu ya gazeti hilo. Alieleza hivi: “Lina mashauri mazuri yanayoweza kumsaidia binti yangu kufanikiwa shuleni.”

Bw. Pichai Petratyotin, msemaji wa Mashahidi wa Yehova nchini Thailand, alisema: “Gazeti la Amkeni! linakazia hekima yenye kutegemeka, inayopatikana ndani ya Biblia, ambayo kwa kweli inawanufaisha watu leo. Mashahidi wa Yehova wanaamini kabisa kwamba elimu ni muhimu, hivyo tunafurahi kuwapa watu wote makala hii, bila malipo.”

Pata Kujua Mengi Zaidi

Jinsi Unavyoweza Kufanikiwa Shuleni

Unaweza kufaidika zaidi na masomo yako. Katika makala hizi tutazungumzia siri tano za kupata mafanikio.

Je, Una Migawo Mingi ya Shule ya Kufanyia Nyumbani?

Je, unahisi umelemewa? Ni nini kitakachokusaidia?