Vipimo vya ufikikaji

Chagua lugha

Hamia kwenye menyu ya pili

Hamia kwenye habari

Mashahidi wa Yehova

Kiswahili

Mashahidi wa Yehova Nchini Hungaria Wapongezwa kwa Kutoa Msaada kwa Sababu ya Mafuriko

Mvua kubwa isivyo kawaida ilisababisha mito kufurika katika Ulaya ya Kati mnamo Juni 2013. Nchini Hungaria, maji kwenye Mto Danube yalifurika kufikia kilele kipya katika historia.

Ili kujitayarishia hali hiyo, wizara ya kushughulikilia haki za wafanyakazi iliomba ofisi ya tawi ya Mashahidi wa Yehova ya Hungaria isaidie katika kuzuia uharibifu unaosababishwa na mafuriko. Ofisi ya tawi iliitikia kwa kualika makutaniko yaliyo karibu na mto wa Danube kushiriki katika kazi ya kuzuia mafuriko iliyopangwa na serikali.

Makutaniko yaliitikia kwa njia ya pekee. Katika siku zilizofuata, zaidi ya Mashahidi 900 kutoka kwenye makutaniko 72 walishiriki katika kazi ya kufanya kingo za mto huo ziwe thabiti zaidi. Waliombwa wavae beji zenye maneno “Mashahidi wa Yehova,” zikiwa zimeandikwa jina lao na jina la jiji walilotoka.

Katika jiji moja, mwakilishi mmoja wa shirika la Msalaba Mwekundu alituma ujumbe ufuatao kwa kutaniko fulani: “Tunawashukuru na kuwaheshimu sana, kwa kuwa si rahisi kuona mifano ya umoja na utayari wa kusaidia kama wenu—kutia ndani umbali mliosafiri! Ninawasifu kwa mfano wenu bora katika jiji letu!”

Mwenyekiti wa shirika la kutoa msaada wakati wa mafuriko, ambaye pia ni mbunge wa Bunge la Hungaria, alituma barua kwenye ofisi ya tawi kuwashukuru Mashahidi kwa msaada wao.

Pata Kujua Mengi Zaidi

Je, Mashahidi wa Yehova Hutoa Misaada Wakati wa Misiba?

Soma uone jinsi ambavyo sisi huwasaidia waamini wenzetu na pia watu wengine wakati wa misiba.

Mungu Ana Kusudi Gani Kuelekea Dunia?

Biblia inaeleza kwa nini mungu aliumba dunia, kuteseka kutakapoisha, na wakati ujao wa dunia na wale watakao kaa ndani yake.