Vipimo vya ufikikaji

Chagua lugha

Hamia kwenye menyu ya pili

Hamia kwenye habari

Mashahidi wa Yehova

Kiswahili

Kuwahubiria Wenyeji wa Asili wa Kanada

Lugha zaidi ya 60 za kienyeji zinazungumzwa nchini Kanada, na Wakanada 213,000 hivi wanasema kuwa mojawapo ya lugha hizo ni lugha yao ya asili.

Ili kufikia mioyo ya wenyeji wa asili, Mashahidi wa Yehova wengi wamejifunza mojawapo ya lugha hizo. Kufikia mwishoni mwa mwaka wa 2015, watu zaidi ya 250 walikuwa wamemaliza masomo ya kujifunza lugha za kienyeji yaliyoandaliwa na Mashahidi.

Pia, Mashahidi wa Yehova wametafsiri machapisho mbalimbali yanayotegemea Biblia, kutia ndani video fupi, katika lugha nane za kienyeji za Kanada. Lugha hizo ni Algonquin, Blackfoot, Plains Cree, West Swampy Cree, Inuktitut, Mohawk, Odawa, na Northern Ojibwa. *

Waliojifunza lugha za wenyeji wa asili wanaeleza kuwa kuna changamoto. Carma anasema hivi: “Nilipoanza kukisaidia kikundi kinachotafsiri lugha ya Blackfoot, nilihisi ni kama ninafanya kazi nikiwa nimefungwa macho. Sikuijua vizuri lugha hiyo. Sikuweza kuisoma wala kuielewa nilipoisikia.”

“Maneno mengi ni marefu na ni vigumu kuyatamka,” anasema Terence, anayefanya kazi na kikundi kinachotafsiri lugha ya West Swampy Cree. Daniel, mtumishi wa wakati wote katika kisiwa cha Manitoulin, Ontario, anasema: “Hakuna vyanzo vya kutosha vya kujifunza lugha. Njia nzuri ya kujifunza lugha ya Odawa ni kumtafuta babu au nyanya (bibi) fulani katika eneo hilo ili akufundishe.”

Je, kazi hiyo ngumu ina matokeo yoyote? Mwanamke mmoja anayezungumza lugha ya Ojibwa alieleza kwamba jitihada zinazofanywa na Mashahidi wa Yehova zinawatofautisha na dini nyingine. Alisema kwamba kwa kuwatembelea nyumbani na kuwasomea Maandiko katika Kiojibwa, Mashahidi wanawasaidia watu wajihisi huru zaidi kuzungumzia Biblia.

Bert, mtafsiri aliyelelewa katika hifadhi ya Blood Tribe kwenye jimbo la Alberta, anaeleza hivi: “Nimewaona watu wengi wanaozungumza lugha ya Blackfoot wakikumbatia chapisho na kusema, ‘Hii ni lugha yangu. Ni kwa ajili yangu!’ Mara nyingi nimewaona wakitokwa na machozi wanapotazama video katika lugha yao.”

Mwanamke mmoja anayezungumza lugha ya Cree aliithamini sana video yenye kichwa Kwa Nini Ujifunze Biblia? iliyorekodiwa kwa lugha yake. Anasema kwamba alihisi ni kana kwamba mama yake anazungumza naye.

Wanafanya Jitihada Kubwa

Mashahidi wengi wamefanya jitihada nyingi ili kuwaeleza wenyeji wa asili ujumbe wa Biblia wenye kufariji. Terence na mke wake, Orlean, wanaeleza hivi kuhusu safari moja waliyofanya: “Tukiwa pamoja na wengine, tulisafiri saa 12 kwenye barabara zenye barafu ili kwenda kuhubiri kwenye hifadhi inayoitwa Little Grand Rapids. Watu waliitikia vizuri sana!”

Wengine wameamua kuacha makao yao na kwenda kuishi karibu na jamii hizo. Baada ya kufurahia kampeni ya kuhubiri ya miezi mitatu katika Kisiwa cha Manitoulin, Daniel na mke wake, LeeAnn, waliamua kuhamia huko. Daniel anaeleza hivi: “Tunafurahia kuwa na muda mwingi wa kujenga mahusiano mazuri na wenyeji na kusitawisha upendezi.”

“Kwa Sababu Nawapenda Kikweli”

Kwa nini Mashahidi wa Yehova wanafanya jitihada nyingi sana ili kuwahubiria wenyeji hao wa asili? Rose, mke wa Bert, anaeleza hivi: “Kwa kuwa mimi pia ni mwenyeji wa asili na nimejionea faida za kutumia kanuni za Biblia, ninachochewa kuwasaidia wengine.”

“Orlean anasema hivi: Ninataka watu wanaozungumza lugha ya Cree wapate nafasi ya kuongozwa na Muumba wetu. Ni pendeleo kubwa kuwasaidia wamkaribie Yehova na kushinda magumu wanayokabili.”

Marc ni mshiriki wa kikundi cha watafsiri wa lugha ya Blackfoot. Kwa nini anajitahidi kuwafikia wenyeji wa asili katika jamii yake? Anasema: “Kwa sababu nawapenda kikweli.”

^ fu. 4 Baadhi ya lugha hizi zinazungumzwa pia na wenyeji wa asili wa Marekani.

Pata Kujua Mengi Zaidi

Kwa Nini Ujifunze Biblia?

Biblia inawapa mamilioni ya watu ulimwenguni pote majibu ya maswali muhimu maishani. Je, ungependa kuwa mmoja wao?

Mungu Ana Kusudi Gani Kuelekea Dunia?

Biblia inaeleza kwa nini mungu aliumba dunia, kuteseka kutakapoisha, na wakati ujao wa dunia na wale watakao kaa ndani yake.