Vipimo vya ufikikaji

Chagua lugha

Hamia kwenye menyu ya pili

Hamia kwenye habari

Mashahidi wa Yehova

Kiswahili

Mashahidi wa Yehova Waongezeka Sana

Mnamo 1987, Lyman Swingle, mshiriki wa Baraza Linaloongoza la Mashahidi wa Yehova, alitoa hotuba mbele ya watu 63,580 waliokuwa wamekusanyika katika uwanja wa Plaza Monumental katika jiji la Valencia, Venezuela. Wengi wao walikuwa wamesafiri usiku kucha ili kusikiliza hotuba yake. Akizungumza na umati huo uliokuwa umekusanyika, Ndugu Swingle alisema hivi: “Ofisi yenu ya tawi si ofisi ndogo tena. Ni ofisi ya kiwango cha kati. Na inaonekana kwamba hivi karibuni nchi hii itakuwa kati ya zile zilizo na wahubiri 100,000!”

Katika mwaka wa 1987, Venezuela ilikuwa na zaidi ya wahubiri 38,000, yaani, Mashahidi wa Yehova ambao walikuwa wakihubiri habari njema ya Ufalme kwa ukawaida. Wakati huo, ni nchi nane tu zilizokuwa na wahubiri zaidi ya 100,000.

Mashahidi wa Yehova ulimwenguni pote wameongezeka kwa njia yenye kustaajabisha. Baada ya Vita vya Kwanza vya Ulimwengu, kulikuwa na watu elfu chache tu waliokuwa wakitangaza hadharani kuhusu Ufalme wa Yehova. Lakini hilo lilibadilika. Kitabu cha Mwaka cha Mashahidi wa Yehova—1943 kilisema hivi: “Ripoti ya ulimwenguni pote ya mwaka wa 1942, ingawa bado haijakamilika, kwa sababu ya ukosefu wa mawasiliano, inapendeza sana . . . , kwa sababu inaonyesha kwamba ulimwenguni pote sasa kuna zaidi ya wahubiri 106,000 walioripoti kuwa walishiriki katika kazi [ya kuhubiri habari njema].” Hata wakati ambapo Vita vya Pili vya Ulimwengu vilikuwa vikiendelea, watu wengi waliitikia kweli ya Biblia. Mnamo 1950, ni nchi ya Marekani tu iliyokuwa na zaidi ya wahubiri 100,000.

Nchi ya pili kuwa na wahubiri 100,000 ilikuwa Nigeria katika mwaka wa 1974.

Mwaka uliofuata idadi ya wahubiri nchini Brazili na Ujerumani ilizidi 100,000. Ongezeko hilo katika mabara manne lilionyesha kwamba watu ulimwenguni pote walikuwa wanapendezwa na kweli ya Biblia.

Ulimwenguni pote, idadi ya watu waliokubali habari njema ilizidi kuongezeka. Hilo lilipatana na kile ambacho Biblia ilikuwa imetabiri: “Mdogo atakuwa elfu, na mnyonge atakuwa taifa lenye nguvu. Mimi mwenyewe, Yehova, nitaharakisha jambo hilo kwa wakati wake.”Isaya 60:22.

Kulingana na ripoti ya mwaka wa utumishi wa 2014, kuna nchi 24 ambazo zina zaidi ya Mashahidi 100,000. Orodha hiyo inatia ndani Venezuela, ambayo ilifikia idadi hiyo katika mwaka wa 2007. Ulimwenguni pote, kuna makutaniko 115,416 ya Mashahidi wa Yehova na wahubiri 8,201,545.

Nchi zilizo na zaidi ya wahubiri 100,000

Bara

Nchi

Wahubiri

Afrika

Angola

108,607

Kongo, Jamhuri ya Kidemokrasia ya

216,024

Ghana

125,443

Nigeria

362,462

Zambia

178,481

Asia

Japani

215,703

Korea, Jamhuri ya

100,641

Filipino

196,249

Ulaya

Uingereza

138,515

Ufaransa

127,961

Ujerumani

166,262

Italia

251,650

Poland

123,177

Urusi

171,268

Hispania

112,493

Ukrainia

150,906

Amerika Kaskazini

Kanada

116,312

Mexico

829,523

Marekani

1,243,387

Amerika Kusini

Argentina

150,171

Brazili

794,766

Kolombia

166,049

Peru

123,251

Venezuela

140,226

Pata Kujua Mengi Zaidi

Mashahidi wa Yehova Hufanyaje Kazi Yao ya Kuhubiri?

Tunafuata kielelezo cha Yesu alipokuwa duniani. Ni zipi baadhi ya njia za kuhubiri ambazo Yesu alitumia ?