Kuanzia Agosti 22 hadi 28, 2016, Mashahidi wa Yehova nchini Botswana, nchi inayojulikana kwa mgodi mkubwa zaidi wa almasi, walionyesha madini ya aina tofauti katika Maonyesho ya Wanunuzi ya Botswana. Kibanda chao kilikuwa na machapisho ya Biblia, tovuti ya jw.org, na video zinazowatia moyo watu wawe uhusiano mzuri katika familia.

Wazazi na watoto waliotembelea kibanda hicho walivutiwa na vibonzo Uwe Rafiki ya Yehova, ambavyo vinafundisha jinsi ya kutumia kanuni za Biblia. Kwa kuwa hakuna vibonzo vingi katika lugha ya taifa ya Setswana, wengi waliuliza jinsi ambavyo wangeweza kupata video hizo.

Wageni ambao walitoka sehemu zote za nchi, walichukua machapisho 10,000 hivi, na watu 120 waliomba funzo la Biblia la nyumbani bila malipo. Wengi walipendezwa kuona Mashahidi wa makutaniko ya Kiingereza na ya Setswana wakifanya kazi bega kwa bega kwenye tukio hilo.

Wasimamizi wa maonyesho hayo walipokagua vibanda na maonyesho mengine, waliwapa Mashahidi wa Yehova tuzo la maonyesho bora.