Vipimo vya ufikikaji

Chagua lugha

Hamia kwenye menyu ya pili

Hamia kwenye habari

Mashahidi wa Yehova

Kiswahili

Jambo Jipya Manhattan

Jambo Jipya Manhattan

Mnamo Oktoba 2011, Mashahidi wa Yehova walianzisha mpango mpya wa kuwasaidia watu katika eneo la Manhattan waufahamu ujumbe wa Biblia kwa kutumia meza na vigari vya kukokotwa vyenye kuvutia. Kampeni hiyo inaendelea katika sehemu ya kusini ya Manhattan, eneo lenye shughuli nyingi na la zamani zaidi katika Jiji la New York.

Eneo hilo limegawanywa katika sehemu nne. Kila sehemu ina vituo kadhaa ambapo wapita-njia wanaweza kupata machapisho yaliyopangwa vizuri kwenye meza au katika vigari vya kukokotwa vyenye machapisho ya Biblia vinavyosimamiwa na mhudumu wa wakati wote. Meza nyingi zipo kwenye au karibu na vituo vya usafiri, ambapo makumi ya maelfu ya watu hupita kila siku.

Katika vituo hivyo, watu wanaweza kupata majibu ya maswali mengi ya Biblia. Watu wenye haraka wanaweza kuchukua chapisho na kujisomea baadaye.

Machapisho yanapatikana katika lugha kadhaa. Ikiwa chapisho fulani halipatikani katika lugha fulani, linaweza kuagizwa na kuchukuliwa siku chache baadaye.

Watu kwa ujumla na pia wenye mamlaka wameufurahia mradi huo. Polisi mmoja alisema: “Mmekuwa wapi sikuzote hizo? Kwa kweli mna kitu ambacho watu wanahitaji.

Mtu mwingine alisimama ghafula alipokiona kitabu Biblia Inafundisha Nini Hasa? Alisema kwamba aliwaona watu wakikisoma kwenye treni naye hakujua mahali walipokipata. Sasa anajua.

Kijana mmoja alipita mbele ya mojawapo ya meza hizo kila siku kwa majuma sita akienda kazini. Mwishowe, alisimama na kusema, “Nahitaji msaada.” Waliokuwa wakisimamia meza hiyo walifurahi kumsaidia. Walimpa Biblia na kumwonyesha jinsi anavyoweza kufaidika kutokana nayo.

Wapita-njia wengi wamefurahia kusimama na kuzungumzia mambo ya kiroho. Katika mojawapo ya miezi ya hivi karibuni, mpango huo wa Manhattan umewawezesha watu kupata magazeti 3,797 na vitabu 7,986.