Vipimo vya ufikikaji

Chagua lugha

Hamia kwenye menyu ya pili

Hamia kwenye habari

Mashahidi wa Yehova

Kiswahili

Shamba Linalolisha Mamilioni ya Watu

Shamba Linalolisha Mamilioni ya Watu

Miaka arobaini iliyopita katika mwaka wa 1973 Februari 2, matbaa mpya zilianzishwa katika jiji la Wallkill, New York, nchini Marekani, ili kuchapisha magazeti ya Mnara wa Mlinzi na Amkeni!

Miaka kumi kabla ya mradi huo kuanza, Mashahidi wa Yehova wanunua shamba la kukuza chakula kwa ajili ya wafanyakazi walio katika makao makuu ya Mashahidi wa Yehova huko Brooklyn eneo la New York. Lakini sasa shamba hilo lingetumiwa pia ili kutoa chakula cha aina tofauti, yaani, chakula cha kiroho.Mathayo 24:45-47.

Shamba la Watchtower, Wallkill, jijini New York, mapema katika miaka ya 1970

Philip Wilcox, ambaye wakati huo alikuwa msimamizi wa matbaa hiyo, anakumbuka jinsi ilivyokuwa mara ya kwanza: “Ilituchukua karibu mwezi mzima ili kuunganisha matbaa hiyo. Ilipokuwa imekamilika tulianza kuzifanyia majaribio. Baada ya muda mfupi tulikuwa na maelfu machache ya magazeti. Tulizisafirisha mpaka kiwanda chetu cha Brooklyn, na kutoka hapo zilipelekwa kwenye makutaniko. Tulikuwa tumeazimia hatutapoteza hata gazeti moja.”

Mashahidi wa Yehova walijenga kiwanda hiki kipya ili kusaidia kazi kubwa ya uchapishaji, ambayo ilifanywa Brooklyn. Mwanzoni mwa mwaka wa 1970, hesabu ya watu waliotaka machapisho ya Biblia ilipita kiasi kilichokuwa kikichapishwa, na kwa hivyo matbaa ya Brooklyn ililazimika kufanya kazi hadi usiku ili kutimiza uhitaji huo.

Juu: Kuunganisha mashine ya kwanza iliyoitwa M.A.N., Januari mwaka wa 1973. Chini: Kuongeza karatasi kwenye mashine ya M.A.N.

Kiwanda cha kwanza cha kuchapisha katika Wallkill kilipokamilika kilikuwa na matbaa manne za kuchapishia, mahali pa kupakia na kusafirisha machapisho, na pia jumba la ufalme. Hata hivyo, kabla hawajaanza uchapishaji kikamili, ujenzi ulianza tena, katika jengo lingine lililo kubwa ambalo liliunganishwa na lile la kwanza. Uhitaji wa machapisho ya Biblia uliongezeka hivi kwamba matbaa sita zaidi zililetwa katika jengo hilo la pili, hata kabla halijakamilika kujengwa.

Tangu wakati huo, kumekuwa na maendeleo makubwa katika teknolojia ya uchapishaji na pia machapisho mengi zaidi yalihitajiwa kutokezwa. Ili kwenda sambamba na mabadiliko hayo, tulihitaji kuboresha na kupanua majengo ya Wallkill mara kadhaa. Katika miaka ya 1980 matbaa mpya za mwendo wa kasi zilianza kutumiwa badala ya zile zilizokuwa zimezeeka ambazo zilikuwepo.

Katika mwaka wa 2004, matbaa ya Brooklyn ilifungwa, na kwa mara ya kwanza, vitabu vilianza kuchapishwa Wallkill. Katika mwaka wa 2010, uchapishaji wa magazeti ulihamishiwa kaskazini, hadi ofisi ya tawi ya Mashahidi wa Yehova iliyoko nchini Kanada. Mashini hizo mpya zinaweza kuchapisha magazeti 200,000 kwa saa moja.

Juu: Mwaka wa 2005, kutayarisha sehemu ya machapisho ambazo zitaunganishwa pamoja. Chini: Shamba la Watchtower, Wallkill, jijini New York, mwaka wa 2013

Leo, matbaa ya Wallkill imefanywa kuwa ya kisasa zaidi kukiwa na wanaume na wanawake 281 wanaojitolea mahali hapo kwa hiari. Mwaka uliopita, walichapisha vitabu na Biblia zaidi ya milioni 17. Mbali na matbaa ya Wallkill na ya Kanada, Mashahidi wa Yehova wanamiliki matbaa nyingine 13—katika bara la Afrika, Asia, Australia, Ulaya, na Amerika Kusini—ambazo zinatosheleza mahitaji ya kiroho ya mamilioni ya watu.Mathayo 5:3.

 

 

Pata Kujua Mengi Zaidi

Betheli Ni Nini?

Betheli ni mahali pa pekee sana panapotimiza lengo la maana sana. Jifunze mengi kuhusu wale wanaofanya kazi Betheli.