Vipimo vya ufikikaji

Chagua lugha

Hamia kwenye menyu ya pili

Hamia kwenye habari

Mashahidi wa Yehova

Kiswahili

Siku ya Wageni Kwenye Nyumba Juu ya “Mwamba”

Siku ya Wageni Kwenye Nyumba Juu ya “Mwamba”

Ulimwenguni pote, Mashahidi wa Yehova wana ofisi 15 za tawi zinazoshughulikia uchapishaji. Moja ya hizo ni ile ya Ulaya ya Kati, iliyoko Selters, Ujerumani, katika eneo linaloitwa Steinfels, neno linalomaanisha “Mwamba” katika Kijerumani.

Katika Mei 23-25, 2014, ofisi ya tawi ya Ulaya ya Kati ilialika majirani, wafanyabiashara, na wenye mamlaka serikalini kwenye siku ya wageni. Tukio hilo liliitwa “Miaka 30 Katika Mji wa Selters” kwa sababu ofisi ya tawi iliwekwa rasmi mnamo Aprili 21, 1984.

Katika siku hiyo, zaidi ya wageni 3,000 walitembelea majengo hayo. Meya, ambaye amefanya kazi serikalini kwa miaka 30 hivi, alisema hivi: “Siku zote, kutembelea ofisi ya tawi ya Mashahidi wa Yehova huwa tukio la pekee. Bado ninashangazwa na jinsi ofisi ya tawi ya Steinfels ilivyojengwa haraka, kuanzia mwaka wa 1979 hadi 1984.”

Mambo Makuu ya Siku Hiyo

Onyesho moja lilikuwa na kichwa “Watu wa Yehova Katika Ulaya ya Kati.” Wageni walijifunza historia ya miaka 120 hivi ya Mashahidi katika eneo hilo. Maonyesho hayo ya kihistoria ni sehemu ya maonyesho rasmi katika ofisi hiyo ya tawi.

Onyesho lingine lilionyesha Biblia za pekee na ambazo hazipatikani kwa urahisi. Kwa mfano, kulikuwa na toleo la mapema la Biblia nzima katika Kijerumani ya mwaka wa 1534 na sehemu ya Biblia ya Polyglot ya Elias Hutter ya mwaka wa 1599, ambayo ina maandishi katika lugha 12. Pia, picha, chati, na maonyesho ya video yalikazia umuhimu wa kanuni za Biblia katika maisha ya watu leo.

Wageni walijitembeza wenyewe katika sehemu mbili za maonyesho hayo ambazo ziliwasaidia kujifunza kuhusu ratiba ya kila siku ya zaidi ya wanaume na wanawake 1,000 wanaoishi na kufanya kazi katika ofisi hiyo ya tawi. Kwenye sehemu ya kwanza, yenye kichwa “Jinsi Tunavyoishi,” wageni waliona baadhi ya vyumba vya wakazi. Pia, walikula kwenye chumba cha kulia na kutembea kwenye maeneo ya bustani. Mgeni mmoja alisema: “Mandhari haya ni maridadi sana.”

Sehemu ya pili, yenye kichwa “Uzalishaji,” ilikazia Chumba cha Uchapishaji, cha Kujalidi, na Idara ya Usafirishaji. Wageni walijionea jinsi Biblia zinavyochapishwa, kujalidiwa, na kusafirishwa katika nchi zaidi ya 50. Mwanamume mmoja alisema hivi: “Sikudhani Mashahidi wa Yehova ni tengenezo la ulimwenguni pote. Machapisho yao yanafika kila sehemu ya dunia. Kwa wajitoleaji kutimiza hayo yote ni jambo lisilo la kawaida.”

Wageni wakijifunza kuhusu tovuti ya jw.org

Jambo la pekee lilikuwa kibanda cha jw.org ambacho kilikazia tovuti rasmi ya Mashahidi wa Yehova. Vijana kwa wazee walitazama maonyesho na video, na maswali yao yakajibiwa.

Baada ya kujifunza mengi kuhusu kazi ya ulimwenguni pote ya Mashahidi wa Yehova, wageni walistaajabu na kukamilisha matembezi yao wakiwa na nyuso zenye shangwe. Mwanamume mmoja alisema hivi: “Niliamini habari nyingi zisizo za kweli kuwahusu Mashahidi. Nahitaji kuchunguza maoni yangu tena kuwaelekea.” Mwanamke mmoja alirudia-rudia kusema hivi: “Kwa kweli siku ya leo imeondoa ubaguzi.”

^ fu. 17 Tarakimu kufikia 2014

^ fu. 21 Tarakimu kufikia 2014

^ fu. 24 Tarakimu kufikia 2014

Pata Kujua Mengi Zaidi

Betheli Ni Nini?

Betheli ni mahali pa pekee sana panapotimiza lengo la maana sana. Jifunze mengi kuhusu wale wanaofanya kazi Betheli.

Ni Kazi Gani Zinazofanywa Katika Ofisi za Tawi za Mashahidi wa Yehova?

Wageni wanakaribishwa kutembelea ofisi yoyote ya tawi. Wewe pia unakaribishwa!