Hamia kwenye habari

Hamia kwenye menyu ya pili

Mashahidi wa Yehova

Kiswahili

Tunakualika Utembelee Betheli ya Marekani

“Sasa tuna kumbukumbu ya pekee ya mambo tuliyoona tulipotembelea Betheli, ambayo tutathamini sikuzote.” Wenzi wa ndoa kutoka Vanuatu walisema maneno hayo baada ya kutembelea Betheli ya Mashahidi wa Yehova nchini Marekani. Wengi kati ya watu elfu sabini wanaotembelea Betheli hiyo wanahisi kama wenzi hao.

Je, umetembelea Betheli ya Marekani? Ikiwa bado, unakaribishwa kufanya hivyo.

Utaona nini katika majengo matatu makuu ya Betheli hiyo?

Makao Makuu, Brooklyn, New York. Utatembezwa na utajifunza kuhusu jitihada inayofanywa ili kupanga na kutegemeza kazi ya kuhubiri habari njema ulimwenguni pote. Pia, unaweza kutazama maonyesho mawili yanayohusu kazi ya kuhubiri. Maonyesho ya kwanza, yenye kichwa, “Watu kwa Ajili ya Jina la Yehova,” yanaonyesha historia ya watu wa Yehova kutoka karne ya kwanza mpaka sasa. Maonyesho ya pili, “Biblia na Jina la Mungu,” yanaonyesha tafsiri mbalimbali za Biblia zenye jina la pekee la Mungu.

Elimu ya Kitheokrasi, Patterson, New York. Utajifunza kuhusu shule zinazofanyiwa huko kama vile, Shule ya Gileadi na Shule ya Washiriki wa Halmashauri ya Tawi na Wake Zao. Pia, utaona picha na video zinazoonyesha kazi inayofanywa katika ofisi mbalimbali, kutia ndani idara ya Sanaa, idara ya Kurekodi Sauti na Video, idara ya Sheria, na idara ya Utumishi.

Uchapishaji na Usafirishaji wa Machapisho, Wallkill, New York. Utatembezwa ili uone jinsi Biblia na machapisho yanayotegemea Biblia yanavyochapishwa, yanavyojalidiwa, na kusafirishwa kwenye makutaniko nchini Marekani, katika visiwa vya Karibea, na sehemu nyingine za ulimwengu.

Matembezi hayo yanachukua muda gani?

Inachukua saa moja hivi kutembezwa kwenye majengo ya Brooklyn; Patterson, saa mbili hivi; na Wallkill, saa moja na nusu hivi.

Ni nani hutembeza wageni?

Wageni hutembezwa na wale wanaofanya kazi katika idara mbalimbali za Betheli. Wanaona mgawo huo kuwa njia moja ya kuunga mkono kazi ya kutoa elimu ulimwenguni pote. Kufikia Mei 2014, kulikuwa na zaidi ya watu 5,000 wanaofanya kazi katika majengo hayo matatu ya Betheli, na zaidi ya 3,600 kati yao wamezoezwa kuwatembeza wageni. Matembezi hayo yanafanywa katika lugha 40 hivi.

Mtu hulipia kiasi gani ili atembezwe?

Hakuna malipo yoyote.

Je, ni lazima uwe Shahidi wa Yehova ili utembelee Betheli?

Hapana. Wengi wanaotembelea si Mashahidi. Mashahidi wa Yehova na wasio Mashahidi wa Yehova watajifunza kuhusu jitihada inayofanywa ili kutegemeza kazi ya ulimwenguni pote ya Mashahidi wa Yehova.

Mwanamke mmoja Mwislamu kutoka India alitembelea Patterson. Baada ya kutembezwa, alisema hivi: “Ningependa kuwa sehemu ya tengenezo lenu. Asanteni sana kwa kunionyesha heshima.”

Je, watoto wanaalikwa?

Bila shaka! Watoto wanaweza kufaidika sana kwa kutembelea Betheli. John, mgeni kutoka Marekani, aliandika hivi: “Watoto katika kikundi chetu hawajaacha kuzungumzia matembezi hayo tangu tuliporudi nyumbani. Kabla ya kutembelea huko, Betheli ilikuwa wazo tu akilini, lakini sasa wamejiwekea mradi wa kutumikia huko.”

Je, inawezekana kutembelea Betheli katika nchi nyingine?

Ndiyo. Matembezi kama hayo hufanyika katika nchi nyingi. Tembelea ukurasa wa Ofisi na Matembezi kwenye tovuti ya jw.org ili ujue mahali ambapo Betheli inapatikana. Tunakukaribisha kwa uchangamfu utembelee moja ya ofisi za tawi za Mashahidi wa Yehova.