Vipimo vya ufikikaji

Chagua lugha

Hamia kwenye menyu ya pili

Hamia kwenye habari

Mashahidi wa Yehova

Kiswahili

Kwa Nini Hamsherehekei Krismasi?

Kwa Nini Hamsherehekei Krismasi?

Maoni yasiyo sahihi

Uwongo: Mashahidi wa Yehova hawasherehekei Krismasi kwa sababu hawamwamini Yesu.

Ukweli: Sisi ni Wakristo. Tunaamini kwamba wokovu hupatikana kupitia Yesu Kristo.—Matendo 4:12.

Uwongo: Mnaleta mgongano katika familia kwa kuwafundisha washiriki wasisherehekee Krismasi.

Ukweli: Tunajali sana familia, na hivyo tunatumia Biblia kusaidia kujenga familia imara.

Uwongo: Hamfurahii kipindi cha Krismasi kinachohusisha ukarimu, kuleta amani duniani, na nia njema kwa watu wote.

Ukweli: Tunajitahidi kuwa wakarimu na wenye kufanya amani kila siku. (Methali 11:25; Waroma 12:18) Kwa mfano, katika mikutano na mahubiri yetu tunafuata agizo hili la Yesu: “Mlipokea bure, toeni bure.” (Mathayo 10:8) Kwa kuongezea, tunakazia Ufalme wa Mungu kuwa tumaini pekee la kuleta amani duniani.—Mathayo 10:7.

Kwa nini Mashahidi wa Yehova hawasherehekei Krismasi?

  • Yesu aliagiza tukumbuke kifo chake, bali si kuzaliwa kwake.—Luka 22:19, 20.

  • Mitume na wanafunzi wa mapema wa Yesu hawakusherehekea Krismasi. Kitabu New Catholic Encyclopedia kinasema kwamba “sherehe ya Krismasi ilianzishwa baada ya 243 [W.K.],” zaidi ya karne moja baada ya mtume wa mwisho kufa.

  • Yesu hakuzaliwa Desemba 25; tarehe yake ya kuzaliwa haijaandikwa katika Biblia.

  • Tunaamini kwamba Mungu hapendezwi na Krismasi kwa sababu chanzo chake ni desturi na itikadi za kipagani.—2 Wakorintho 6:17.

Kwa nini msifuate maoni ya wengi?

Bado wengi wanasherehekea Krismasi ingawa wanajua chanzo chake ni cha kipagani na haiungwi mkono na Biblia. Huenda watu kama hao wakauliza: Kwa nini msiwe kama watu wengine? Kwa nini muwe tofauti?

Biblia inatuhimiza tufikirie kwa makini, tutumie ‘nguvu zetu za kufikiri.’ (Waroma 12:1, 2) Inatufundisha tuthamini ukweli. (Yohana 4:23, 24) Basi, ingawa tunajali jinsi watu wanavyotuona, bado tutafuata kanuni za Biblia hata kama tutachukiwa.

Ingawa tumeamua kutosherehekea Krismasi, tunaheshimu haki ya kila mtu ya kujiamulia jambo hilo. Hatuwazuii wengine kusherehekea Krismasi.

Pata Kujua Mengi Zaidi

Biblia Inasema Nini Kuhusu Krismasi?

Huenda historia ya desturi sita za Krismasi zinazopendwa na wengi ikakushangaza.