Hamia kwenye habari

Hamia kwenye menyu ya pili

Mashahidi wa Yehova

Kiswahili

Funzo la Biblia Ni Nini?

Funzo la Biblia Ni Nini?

Mashahidi wa Yehova wana programu ya kuwafundisha watu Biblia ambayo hutoa majibu ya maswali kama vile:

  • Mungu ni nani?

  • Je, kweli Mungu ananijali?

  • Ninawezaje kuboresha ndoa yangu?

  • Nifanye nini ili nipate furaha maishani?

Hapa chini kuna majibu ya maswali yanayoulizwa mara nyingi kuhusu programu yetu ya kuwafundisha watu Biblia.

Mafunzo ya Biblia hufanywaje? Sisi huchukua vichwa mbalimbali kama vile “Mungu” au “ndoa” na kuchunguza mistari mbalimbali ya Biblia inayozungumzia kichwa hicho. Kwa kulinganisha mistari hiyo, tunaona Biblia kwa ujumla inasema nini kuhusu habari hiyo, na kwa njia hiyo tunaacha Biblia ijieleze yenyewe.

Sisi hutumia kitabu Biblia Inafundisha Nini Hasa? kutusaidia kujifunza Biblia. Kitabu hicho huzungumzia kwa njia yenye kueleweka habari mbalimbali kama vile Biblia inasema nini hasa kumhusu Mungu, Yesu, na wakati wetu ujao.

Mafunzo hayo ya Biblia yanagharimu pesa ngapi? Mafunzo hayo ni ya bure, na hutalipia kitabu cha kujifunzia.

Mafunzo hayo yanachukua saa ngapi? Watu wengi hutenga saa moja hivi kila juma ili kujifunza Biblia pamoja nasi. Lakini muda wa funzo unaweza kubadilishwa kulingana na ratiba yako.

Inakuwaje ninapoomba nifundishwe Biblia? Unapoomba ufundishwe Biblia, Shahidi wa Yehova atakutembelea wakati na mahali panapokufaa. Kwa dakika chache atakuonyesha jinsi sisi huwafunza watu Biblia. Ukipendezwa na mpango huo, ataendelea na mafunzo hayo.

Nikikubali kufundishwa Biblia, ni lazima niwe Shahidi wa Yehova? Hapana. Mashahidi wa Yehova hupenda kuwafundisha watu Biblia, lakini hatumlazimishi mtu yeyote kuwa mshiriki wa dini yetu. Badala yake, tunamwonyesha yale ambayo Biblia inasema, tukitambua kwamba kila mtu ana uhuru wa kuchagua mambo atakayoamini.—1 Petro 3:15.