Hamia kwenye habari

Hamia kwenye yaliyomo

4 | Biblia Inatoa Ushauri Unaofaa

4 | Biblia Inatoa Ushauri Unaofaa

BIBLIA INASEMA HIVI: ‘Kila Andiko lina . . . faida.’ —2 TIMOTHEO 3:16.

Inamaanisha Nini?

Ingawa Biblia si kitabu cha matibabu, inatoa ushauri unaofaa na unaotunufaisha. Ushauri huo unaweza kumsaidia mtu anayesumbuliwa na matatizo ya afya ya akili. Fikiria mifano ifuatayo.

Hilo Linaweza Kutusaidiaje?

“Watu wenye afya hawahitaji daktari, lakini wagonjwa wanamhitaji.” —MATHAYO 9:12.

Biblia inakubali kwamba huenda wakati mwingine tukahitaji kutafuta matibabu. Watu wengi wenye magonjwa ya akili wamesaidiwa kwa kupata habari sahihi kuhusu tatizo lao, na kwenda kutibiwa na daktari.

“Mazoezi ya mwili yana faida yake.”​—1 TIMOTHEO 4:8, Biblia Habari Njema.

Kutumia wakati na jitihada ili kusitawisha mazoea mazuri, kunaweza kuboresha afya yako ya akili. Mazoea hayo yanatia ndani kufanya mazoezi kwa ukawaida, kula vyakula vyenye lishe bora, na kupata usingizi wa kutosha.

“Moyo wenye shangwe ni dawa nzuri, lakini roho iliyopondeka humfyonza mtu nguvu.”​—METHALI 17:22.

Tunaweza kudumisha furaha yetu kwa kusoma mistari ya Biblia inayotufariji na kujiwekea malengo tunayoweza kufikia. Ukikazia mambo mazuri maishani, na kuamini kwamba mambo yatakuwa mazuri wakati ujao, hilo litakusaidia kukabiliana na matatizo ya afya ya akili.

“Wenye kiasi wana hekima.”​—METHALI 11:2.

Uwe tayari kukubali msaada wa wengine kwa sababu huenda ukashindwa kufanya kila kitu unachotaka. Inawezekana marafiki na watu wa familia wanataka kukusaidia, lakini hawajui wafanye nini. Waambie mambo unayohitaji wakusaidie. Usitarajie wafanye mambo makubwa kuliko uwezo wao na sikuzote uwe mwenye shukrani kwa mambo wanayokufanyia.

Jinsi Ushauri wa Biblia Unaofaa Ulivyowasaidia Wenye Matatizo ya Akili

“Nilihisi nina tatizo fulani, hivyo nilimwona daktari. Aligundua tatizo linalonisumbua. Hilo lilinisaidia kuelewa tatizo langu, na kutafuta matibabu bora kwa ajili ya afya yangu.”​—Nicole, a anayeugua ugonjwa wa kubadilika kwa hisia.

“Nimetambua kwamba kusoma Biblia kwa ukawaida pamoja na mke wangu, kunanisaidia kuanza siku nikiwa na mawazo mazuri na yenye kujenga. Na mara nyingi katika siku ambazo hali inakuwa mbaya, ninapata mstari fulani katika Biblia unaonitia moyo.”​—Peter, aliye na mshuko moyo.

“Haikuwa rahisi kuwaeleza wengine kuhusu ugonjwa wangu, kwa sababu nilikuwa nikiaibika sana. Lakini rafiki yangu wa karibu alinisikiliza kwa makini na kwa fadhili, na alielewa jinsi nilivyohisi. Alinisaidia kuona kwamba siko peke yangu na nilihisi vizuri.”​—Ji-yoo, anayesumbuliwa na ugonjwa wa kujinyima chakula.

“Biblia imenisaidia kuwa na usawaziko kuhusu kazi na kupumzika. Hekima ya Biblia imenisaidia kukabiliana na matatizo ya kihisia yanayonisumbua.”​—Timothy, mwenye ugonjwa wa kudhibiti mawazo na misukumo.

a Baadhi ya majina yamebadilishwa.