Hamia kwenye habari

Hamia kwenye yaliyomo

3 | Jinsi Mifano ya Biblia Inavyoweza Kutusaidia

3 | Jinsi Mifano ya Biblia Inavyoweza Kutusaidia

BIBLIA INATAJA . . . Wanaume na wanawake waaminifu waliokuwa na “hisia kama zetu.”​—YAKOBO 5:17.

Inamaanisha nini?

Biblia ina masimulizi halisi ya wanaume na wanawake waliokabili hisia mbalimbali. Tunaposoma Biblia tunaweza kujifunza kuhusu mtu ambaye alikuwa na hisia kama zetu.

Hilo Linaweza Kutusaidiaje?

Sote tungependa wengine watuelewe. Lakini tunahisi hivyo hasa ikiwa tunakabili matatizo ya akili. Tunaposoma Biblia tunajifunza kuhusu watu ambao waliwaza na kuhisi kama sisi. Mwishowe tunatambua kwamba wengine waliteseka kama sisi na hivyo hatutahisi upweke.

  • Biblia ina masimulizi mengi ya watu waliokuwa na wasiwasi na mahangaiko. Je, umewahi kuwaza, ‘Nimechoshwa kabisa na hii hali’? Musa, Eliya na Daudi walihisi hivyo pia.​—Hesabu 11:14; 1 Wafalme 19:4; Zaburi 55:4.

  • Biblia inasimulia kuhusu mwanamke anayeitwa Hana aliyekuwa na “uchungu mwingi sana” kwa sababu hakuweza kupata watoto na alidhihakiwa sana na mke mwenzake.​—1 Samweli 1:6, 10.

  • Biblia inasimulia kuhusu mwanamume anayeitwa Ayubu ambaye alikuwa na hisia kama zetu. Ingawa alikuwa na imani yenye nguvu, aliteseka sana kihisia na wakati fulani alisema: “Ninachukia maisha yangu; sitaki kuendelea kuishi.”​—Ayubu 7:16.

Sisi pia tunaweza kupata nguvu ya kukabiliana na mahangaiko yetu, kwa kujifunza jinsi watu hawa wanaotajwa katika Biblia walivyofanikiwa kushughulikia njia yao mbaya ya kufikiri.