JE, NI KAZI YA UBUNI?
Uwezo wa DNA wa Kuhifadhi Habari
WATUMIAJI wa kompyuta huwa na habari nyingi zinazohitaji kuhifadhiwa ili zitumiwe wakati wowote zitakapohitajiwa. Wanasayansi wanatumaini kwamba watafaulu kuboresha mbinu za sasa za kuhifadhi habari kwa kuiga mfumo bora zaidi wa kuhifadhi habari wa DNA.
Fikiria hili: DNA inayopatikana katika chembe, ina habari nyingi sana kuhusu urithi. “Tunaweza kupata [DNA] kutoka kwenye mifupa ya tembo wenye manyoya walioishi zamani . . . na tufaulu kuifanyia uchunguzi,” anasema Nick Goldman wa Taasisi ya Ulaya ya Bioinformatics. “Pia ni ndogo, ina uwezo wa kuhifadhi habari nyingi, na haihitaji umeme ili mtu afaulu kuhifadhi habari ndani yake, kwa hiyo ni rahisi kuisafirisha na kuiweka.” Je, DNA inaweza kuhifadhi habari zilizotayarishwa na wanadamu? Watafiti wanasema inaweza.
Wanasayansi wamebuni mbinu ya kuhifadhi maandishi, picha, na rekodi za sauti katika DNA, kwa njia ileile kama vifaa vingine vya kielektroniki vinavyofanya. Baadaye, watafiti hao walifaulu kupata tena habari yote hiyo waliyokuwa wamehifadhi. Wanasayansi wanaamini kwamba baada ya muda, gramu moja ya DNA iliyotengenezwa na wanadamu itaweza kuhifadhi habari zinazoweza kutoshea katika CD 3,000,000 na habari hizo zinaweza kuhifadhiwa kwa maelfu ya miaka. Inakadiriwa kwamba mfumo huo utafaulu kuhifadhi habari zote za kielektroniki ulimwenguni. Kwa sababu hiyo, DNA imesemekana kuwa “kifaa bora zaidi cha kuhifadhi habari.”
Una maoni gani? Je, uwezo wa DNA wa kuhifadhi habari ulijitokeza wenyewe? Au ulibuniwa?
Huenda Ukapenda Pia
AMKENI!
Mng’ao wa Bluu wa Beri aina ya Pollia
Beri aina ya Pollia haina rangi ya bluu, lakini ina mwonekano wa bluu unaong’aa sana kuliko mmea mwingine wowote. Ni nini hutokeza mng’ao huo wa bluu?
AMKENI!
Manyoya ya Fisi Maji wa Baharini
Baadhi ya wanyama wanaoishi majini wana tabaka la mafuta linalowasaidia kudumisha joto. Fisi maji wa baharini hutumia mbinu nyingine.
AMKENI!
Mbinu ya Nyuki ya Kutua
Kwa nini mbinu ya kutua ya nyuki inafaa kutumiwa katika mfumo wa kuongoza roboti zinazoruka angani?
AMKENI!
Ngozi ya Chungu wa Sahara
Chungu wa rangi ya fedha ni mmoja kati ya viumbe wenye uwezo mkubwa wa kuvumilia joto kali. Ni nini kinachomwezesha kufanya hivyo?
AMKENI!
Nyuzinyuzi za Kome wa Baharini
Kome huning’inia kwa kutumia nyuzinyuzi. Kuelewa jinsi nyuzinyuzi hizo hufanya kazi kunaweza kutusaidia kubuni njia bora za kushikisha vifaa kwenye majengo au kuunganisha kano kwenye mifupa.
