Hamia kwenye habari

Hamia kwenye yaliyomo

Kutoka kwa Wasomaji Wetu

Kutoka kwa Wasomaji Wetu

 Kutoka kwa Wasomaji Wetu

Vijana Huuliza . . . kwa Nini Ni Lazima Nisome? (Mei 2006) Nina umri wa miaka 15, na makala hiyo ilinisaidia sana. Nilienda na gazeti hilo shuleni na mwalimu wangu akaliona. Masomo yalipokuwa yakiendelea alizungumzia mazoea ya kusoma naye akaonyesha wanafunzi wenzangu Amkeni! hiyo. Alisema kwamba alifurahia sana kusoma makala hiyo, naye akapendekeza wote waisome.

D.A.C., Brazili

Zamani nilisoma tu makala za magazeti ambazo zilinivutia. Sasa mimi hujitahidi kusoma kila makala, hata ikiwa mwanzoni haionekani kuwa yenye kuvutia. Nimeona kwamba karibu nyakati zote baada ya kuzisoma mimi hufurahia zaidi makala hizo. Asanteni sana.

E. G., Marekani

Nilifurahi kujua kwamba kuna vijana leo ambao wanafanya kama nilivyofanya. Nilibatizwa nikiwa na umri wa miaka 14 na sasa nina umri wa miaka 40. Kwa muda fulani kabla ya kubatizwa, nilijaribu kusoma kurasa kadhaa za Mnara wa Mlinzi au Amkeni! kila siku. Ninahisi kwamba kwa sababu ya mazoea hayo sijawahi kukosa kusoma hata makala moja na hilo limenisaidia kudumisha hali yangu ya kiroho.

S. O., Japani

Michael Servetus—Alitafuta Ukweli Akiwa Peke Yake (Mei 2006) Asanteni sana kwa makala hiyo yenye habari za kuarifu. Ilinitia moyo kuendelea kuhubiri na kutetea jina la Yehova.

M. R., Brazili

Wengi wanajua kwamba Servetus alikuwa mtu mashuhuri katika nyanja ya kitiba. Hata hivyo, makala hiyo ilifunua mambo mengine yenye kuvutia kuhusu utu wa msomi huyo, kama vile unyoofu na jitihada yake ya kutafuta ukweli. Asanteni sana kwa kuchapisha makala hiyo.

M. J., Hispania

Waliokoka kwa Kutii Maonyo (Juni 2006) Inapendeza sana kuwa sehemu ya tengenezo la Yehova lenye upendo. Ningependa kuwashukuru akina ndugu na dada ambao walishiriki kurekebisha nyumba yangu iliyoharibiwa sana na Tufani Katrina. Sasa nyumba yetu ni ishara ya wazi ya upendo wao.

I. F., Marekani

Hariri—Nyuzi Bora Zaidi (Juni 2006) Tangu nilipokuwa mtoto, nimejiuliza sana jinsi hariri inavyotengenezwa. Nilifurahi sana kuona makala hiyo katika Amkeni! Niliifurahia sana, nayo imenisaidia kuthamini zaidi uumbaji wa Yehova.

A.C.L., Brazili

Dalili Kuu za Kansa Hatari (Juni 8, 2005) Kwa kutumia picha za rangi ambazo zilikuwa katika makala hiyo, nilijichunguza na kuona uvimbe mweusi usio wa kawaida ambao ulipochunguzwa ulisemekana kuwa kansa ya chembe za ndani za ngozi. Kwa kupendeza, kansa hiyo iliweza kuondolewa kupitia upasuaji kwa kuwa ilikuwa katika hatua zake za mwanzo. Ninamshukuru Yehova kutoka moyoni kwa habari hiyo inayofaa.

K. N., Japani