Hamia kwenye habari

Hamia kwenye yaliyomo

Waliacha Vita na Kuwa Wenye Amani

Waliacha Vita na Kuwa Wenye Amani

 Waliacha Vita na Kuwa Wenye Amani

TOLEO la Amkeni! la Desemba 8, 2002, lilikuwa na simulizi la Toshiaki Niwa, aliyekuwa rubani wa ndege za vita za Japani wakati wa Vita vya Pili vya Ulimwengu. Niwa alisema kwamba katika Agosti 1945, alikuwa katika uwanja wa ndege wa kijeshi karibu na Kyoto akisubiri amri ya kushambulia meli za Marekani kwa kujilipua. Amri hiyo haikutolewa, kwani vita vilimalizika siku chache baadaye. Miaka kadhaa baadaye, Niwa alianza kujifunza Biblia na Mashahidi wa Yehova. Alijifunza kwamba wale wote wanaotaka kumpendeza Mungu hawapaswi kupigana. Wanawaheshimu wanadamu wenzao, haidhuru wanaishi wapi au ni wa taifa gani. (1 Petro 2:17) Ingawa Niwa alikuwa mwanajeshi, sasa yeye ni mwenye amani na anawahubiria wengine ujumbe wa Neno la Mungu unaowaunganisha watu.

Russell Werts, kutoka Marekani, alivutiwa sana na simulizi la Niwa kwani yeye pia alishiriki katika vita hivyo, lakini akiwa upande ule mwingine. Werts alimwandikia Niwa barua iliyosema hivi: “Ulisema kwamba katika Agosti 1945 ulikuwa karibu na Kyoto ukisubiri majeshi yenye kuvamia. Wakati huohuo nilikuwa nikifanya mazoezi ya mwisho ili kujitayarishia mashambulizi hayo. Ikiwa vita havingemalizika wakati huo, labda sote tungekufa tukiwa pande tofauti za vita hivyo. Kama wewe na familia yako, baadaye mimi na mke wangu tukawa Mashahidi wa Yehova. Inafurahisha sana kujua kwamba ingawa tulikuwa maadui walioazimia kuuana, sasa sisi ni marafiki na pia ndugu!”

Kama vile Toshiaki Niwa na Russell Werts, watu wengi waliokuwa maadui wakubwa sasa wanaishi kwa amani na umoja kwa sababu wamejifunza na kutumia Neno la Mungu, Biblia, maishani mwao. Miongoni mwa Mashahidi wa Yehova kuna Wayahudi na Waarabu, Waarmenia na Waturuki, Wajerumani na Warusi, Wahutu na Watutsi, ambao wameonyesha kwamba wao ni Wakristo wa kweli. Kwa kweli, Yesu alisema: “Kwa jambo hili wote watajua kwamba ninyi ni wanafunzi wangu, mkiwa na upendo kati yenu wenyewe.”—Yohana 13:35.

[Picha katika ukurasa wa 31]

Toshiaki Niwa na Russell Werts wakati wa Vita vya Pili vya Ulimwengu