Hamia kwenye habari

Hamia kwenye yaliyomo

Kutumia Vyema Vidio Yenye Uwezo Sana

Kutumia Vyema Vidio Yenye Uwezo Sana

 Kutumia Vyema Vidio Yenye Uwezo Sana

ALIPOKUWA na umri wa miaka 12 tu, Tillie alitumia vyema fursa ya kutoa ushahidi shuleni. Darasa lao lilikuwa likisoma kuhusu Vita ya Ulimwengu ya Pili, na habari kuhusu yale Maangamizi Makuu ilizuka. Tillie alimwambia mwalimu wake kwamba mbali na Wayahudi, Mashahidi wa Yehova pia waliteswa na kuuawa katika enzi hiyo yenye kuogofya. Mwalimu alimruhusu Tillie aje na vidio ya Purple Triangles darasani. Kabla ya kuonyesha vidio hiyo, mwalimu huyo aliliambia darasa hivi: “Kwa sababu ya idadi kubwa ya Wayahudi waliouawa kwenye Maangamizi hayo Makuu, watu wengine wengi walionyanyaswa wamepuuzwa. Mashahidi wa Yehova wako miongoni mwa vikundi hivyo.”

Mwalimu huyo alivutiwa sana na vidio hiyo hata akamwazima mwalimu mwingine ili aitumie katika darasa lake. Tillie alikumbuka kwamba ndugu mkubwa wa mwalimu wake wa kidato cha nne alikuwa ameuawa na Wanazi kwenye Maangamizi hayo Makuu. Alimpelekea pia mwalimu huyo vidio hiyo, naye akaitazama jioni hiyohiyo.

Kwa ujumla, zaidi ya watu 60 waliitazama vidio ya Purple Triangles, na ilichochea upendezi mkubwa sana. Yote hayo yalitukia kwa sababu msichana mdogo alikuwa na ujasiri wa kueleza waziwazi kuhusu dini yake.—Zaburi 8:2.