Hamia kwenye habari

Hamia kwenye yaliyomo

Hungependa Kuukosa!

Hungependa Kuukosa!

 Hungependa Kuukosa!

KUKOSA nini? Mkusanyiko wa Wilaya wa Mashahidi wa Yehova wa “Watekelezaji wa Neno la Mungu”! Mikusanyiko hiyo, iliyoanza Mei katika Marekani, itafanywa katika mamia ya majiji ulimwenguni pote kwa miezi kadhaa itakayofuata. Katika sehemu zilizo nyingi programu itaanza Ijumaa asubuhi saa 3:30 kwa programu ya muziki.

Baada ya kufungua kwa kitia-moyo cha kutii kile ambacho Neno la Mungu husema, programu ya asubuhi itaendelea na hotuba “Furahieni Wema wa Yehova” na “Endelea Ukiwa Imara Kama Ambaye Anaona Yeye Asiyeonekana.” Kisha programu ya asubuhi itamalizia kwa hotuba ya msingi ya mkusanyiko, “Msifuni Yehova—Mtekelezaji wa Mambo ya Ajabu.”

Hotuba ya kwanza ya kipindi cha alasiri, “Usife Moyo Katika Kufanya Lililo Bora,” itafuatwa na mfululizo wenye sehemu tatu kuhusu jinsi ya kuchagua mwenzi wa ndoa, kujenga familia imara kiroho, na kufundisha watoto wampende Yehova. Hotuba ya kumalizia ya siku hiyo, “Kwenda Sambamba na Tengenezo la Yehova,” itazungumzia maendeleo ya hatua kwa hatua katika nyakati za kisasa ya uelewevu wa makusudi ya Mungu.

Programu ya Jumamosi asubuhi yakazia mfululizo wa pili wenye sehemu tatu, wenye kichwa “Wahudumu wa Neno la Mungu.” Huo utaandaa madokezo ya jinsi ya kufanya kazi yetu ya kufanya wanafunzi. Kisha kutakuwa na hotuba yenye kutia moyo “Kutomwaibisha Mungu Katika Njia Yoyote.” Baada ya hotuba hiyo itafuata hotuba ya ubatizo, na fursa ya kubatizwa itapewa wale wenye kustahili.

Alasiri mfululizo wa tatu wenye sehemu tatu utakazia kichwa “Jitahidi Kusitawisha Hali ya Kiroho,” ambapo madokezo yenye kutumika ya jinsi ya kuisitawisha hali ya kiroho yatazungumziwa. Kipindi hicho kitamalizika kwa hotuba yenye kuelimisha “Kutembea Katika Nuru Inayoongezeka ya Neno la Mungu.” Itazungumzia Isaya sura ya 25 na 26 na kufafanua jinsi tunavyoweza kuboresha uelewevu wetu kwa kitabu hiki cha Biblia chenye kusisimua.

Jumapili asubuhi itatia ndani mfululizo wa mwisho wenye sehemu tatu wenye kichwa “Unabii Muhimu wa Sefania kwa Wale Wanaofanya Mapenzi ya Mungu.” Itaeleza jinsi unabii huo ulivyotimizwa nyakati za kale kwa taifa la Yuda na jinsi unavyotimizwa leo, hasa kwa dini za ulimwengu huu. Baadaye utafurahia drama ya mavazi kamili yenye kichwa “Vielelezo vya Kuonya Leo,” ambayo yazungumzia ukosefu wa adili wa wanaume Waisraeli kabla tu ya Waisraeli kuingia Bara Lililoahidiwa. Sehemu ya kipindi cha mwisho cha Jumapili alasiri itakuwa hotuba ya watu wote, “Umuhimu wa Kuzingatia Kazi za Ajabu za Mungu.”

Fanya mipango sasa uhudhurie siku zote tatu. Ili upate mahali palipo karibu na kwenu, wasiliana na Jumba la Ufalme la Mashahidi wa Yehova lililo karibu nawe, au andikia wachapishaji wa gazeti hili. Katika toleo lake la Februari 15, gazeti-jenzi letu, Mnara wa Mlinzi, lina orodha ya mahali pote pa mikusanyiko ya wilaya katika Burundi, Congo (Kinshasa), Kenya, Rwanda, Tanzania, na Uganda.