Soma Hesabu 13:25–14:4 ili uone jinsi Waisraeli walivyokosa kumtumaini Yehova.

Chunguza muktadha. Kwa nini Waisraeli walipaswa kuwa na uhakika katika uwezo wa Yehova wa kuwaokoa walipotoka Misri? (Zab. 78:​12-16, 43-53) Ni nini kilichosababisha waache kumtumaini Yehova? (Kum. 1:​26-28) Yoshua na Kalebu walionyeshaje kwamba wanamtumaini Yehova?—Hes. 14:​6-9.

Chimba zaidi. Waisraeli wangeweza kufanya nini ili kuimarisha uhakika wao katika Yehova? (Zab. 9:10; 22:4; 78:11) Kuna uhusiano gani kati ya kumtumaini Yehova na kumheshimu?—Hes. 14:11.

Nimejifunza nini? Jiulize hivi:

• ‘Ni hali gani zinazoweza kuonyesha ikiwa ninamtumaini Yehova kikamili?’

• ‘Ninawezaje kuimarisha uhakika wangu katika Yehova sasa na wakati ujao?’

• ‘Ninaweza kuwa na uhakika gani kadiri dhiki kuu inavyozidi kukaribia?’—Luka 21:​25-28.