• Met 17:24—Ni katika njia gani “macho ya mpumbavu hutangatanga mpaka kwenye miisho ya dunia”? (it-1 790 ¶2)

  Jibu lako

• Ungependa kushiriki nasi hazina gani kutoka kwenye usomaji wa Biblia wa juma hili?

  Jibu lako

Ni muhimu kuwa na mawasiliano mazuri ili uwe na familia yenye furaha. Washiriki wa familia wanapowasiliana waziwazi, wanaweza kutimiza malengo yao pamoja na kutegemezana wanapokabili hali ngumu. (Met 15:22) Unaweza kufanya nini katika familia yako ili kila mtu ajihisi huru kueleza mawazo na hisia zake waziwazi?

Tumieni wakati pamoja. (Kum 6:​6, 7) Washiriki wa familia wanapofanya kazi, wanaposhiriki katika utendaji wa kiroho, na kufurahia pamoja, wanakuwa na uhusiano wa karibu zaidi, wanapendana na kuaminiana. Pia, hilo linatokeza nafasi za kuwa na mazungumzo yenye kustarehesha. Pindi nyingine, huenda ukahitaji kuwa tayari kufanya jambo ambalo wengine katika familia wangependa, badala ya kile ambacho wewe ungependa, kufanya hivyo kutakuwa na manufaa ya muda mrefu! (Flp 2:​3, 4) Mnawezaje kutumia muda wenu vizuri mkiwa pamoja?—Efe 5:​15, 16.

Onyesha VIDEO Fuata Ramani Inayoongoza Familia Iwe na Maisha Yenye Amani—Boresha Mawasiliano. Kisha waulize wasikilizaji:

• Matumizi mabaya ya vifaa vya kielektroni yanawezaje kuathiri mawasiliano katika familia?

  Jibu lako

• Umejifunza nini kingine kuhusu kuwa na mawasiliano mazuri katika video hii?

  Jibu lako

Uwe msikilizaji mzuri. (Yak 1:19) Mara nyingi watoto wanakuwa huru zaidi kueleza hisia zao, ikiwa hawaogopi kueleweka vibaya au kuhukumiwa. Hivyo, jitahidi usikasirike ikiwa mtoto wako atasema jambo linalokuhangaisha. (Met 17:27) Badala yake, msikilize kwa huruma. Jitahidi kuelewa mawazo na hisia zake ili umhakikishie au kumsaidia kwa njia ya upendo.