KWA NINI NI MUHIMU?: Hivi karibuni matukio yenye kustaajabisha yatatokea na tutahitaji kuwa jasiri na kumtegemea Yehova kuliko wakati mwingine wowote. Dhiki kuu itaanza kwa kuharibiwa kwa dini ya uwongo. (Mt 24:21; Ufu 17:16, 17) Katika kipindi hicho chenye msukosuko, tutahitaji kuhubiri ujumbe wa hukumu. (Ufu 16:21) Tutakabili shambulizi kutoka kwa Gogu wa Magogu. (Eze 38:10-12, 14-16) Kisha Yehova atawalinda watu wake kwa kuleta “vita vya siku kuu ya Mungu Mweza-Yote.” (Ufu 16:14, 16) Ili tuweze kukabiliana na matukio hayo ya wakati ujao kwa ujasiri, tunahitaji kuendelea kudumisha ushikamanifu wetu imani yetu inapojaribiwa sasa.

JINSI YA KUFANYA HIVYO:

• Tetea kwa ujasiri viwango vya juu vya maadili vya Yehova.​—Isa 5:20

• Endelea kuabudu pamoja na Wakristo wenzako.​—Ebr 10:24, 25

• Fuata haraka mwongozo kutoka kwa tengenezo la Yehova.​—Ebr 13:17

• Tafakari kuhusu jinsi Yehova alivyowaokoa watu wake nyakati za kale.​—2Pe 2:9

• Sali kwa Yehova, na umtegemee.​—Zb 112:7, 8

TAZAMENI VIDEO YENYE KICHWA MATUKIO YA WAKATI UJAO YATAKAYOHITAJI UJASIRI—KISEHEMU, KISHA MJIBU MASWALI YAFUATAYO:

• Utii wa wahubiri ulijaribiwaje kutaniko lao lilipounganishwa na makutaniko mengine?

• Kuna uhusiano gani kati ya ujasiri na utii?

• Kwa nini tutahitaji ujasiri Har–Magedoni itakapokuja?

• Ni simulizi gani la Biblia linaloweza kutusaidia kuimarisha imani yetu katika nguvu za Yehova za kuokoa?​—2Nya 20:1-24