Habakuki 3:1-19

  • Nabii asali ili Yehova achukue hatua (1-19)

    • Mungu atawaokoa watiwa-mafuta wake (13)

    • Nitashangilia katika Yehova (17, 18)

3  Sala ya nabii Habakuki, aliyoitoa kama nyimbo za huzuni:*  2  Ee Yehova, nimesikia habari kukuhusu. Ninaogopa matendo yako, Ee Yehova. Uyafufue kati ya ile miaka!* Uyafanye yajulikane kati ya hiyo miaka.* Nawe ukumbuke kuonyesha rehema wakati wa msukosuko.+  3  Mungu alikuja kutoka Temani,Yeye Aliye Mtakatifu kutoka Mlima Parani.+ (Sela)* Utukufu wake ulifunika mbingu;+Na dunia ikajaa sifa yake.  4  Aling’aa kama nuru.+ Miale miwili ilimweka kutoka mkononi mwake,Ambamo nguvu zake zilikuwa zimefichika.  5  Ugonjwa hatari ulitangulia mbele zake,+Na homa kali ilimfuata miguuni.  6  Alisimama tuli na kuitikisa dunia.+ Alitazama mara moja tu, akayafanya mataifa yaruke.+ Milima ya milele ikavunjwavunjwa,Na vilima vya kale vikainama chini.+ Vijia vya zamani za kale ni vyake.  7  Niliona taabu katika mahema ya Kushani. Vitambaa vya mahema ya nchi ya Midiani vilitetemeka.+  8  Je, umeikasirikia mito, Ee Yehova,Je, hasira yako inawaka dhidi ya mito? Au unaikasirikia vikali bahari?+ Kwa sababu ulipanda farasi wako;+Magari yako ya vita yalishinda.*+  9  Upinde wako umefunuliwa na uko tayari. Fito zimepewa* kazi kwa kiapo.* (Sela) Unaipasua dunia kwa mito. 10  Milima ilipindapinda kwa maumivu ilipokuona.+ Mvua kubwa ilinyesha nchini. Kilindi cha maji kilinguruma kwa sauti yake.+ Kikainua mikono yake juu. 11  Jua na mwezi vilisimama tuli kwenye makao yake yaliyo juu sana.+ Mishale yako ilitoka kama nuru.+ Radi ya mkuki wako ilikuwa nyangavu. 12  Ulipiga mwendo duniani kwa ghadhabu. Ukayakanyaga-kanyaga* mataifa kwa hasira. 13  Ulitoka ili kuwaokoa watu wako, kumwokoa mtiwa-mafuta wako. Ulimpondaponda kiongozi wa* nyumba ya waovu. Ilifunuliwa wazi kuanzia kwenye msingi hadi juu.* (Sela) 14  Uliwachoma vichwa mashujaa wake kwa silaha* zake mwenyeweWalipoondoka kwa kishindo ili kunitawanya. Walishangilia sana kumnyafua kisiri mtu anayeteseka. 15  Ulivuka bahari kwa farasi wako,Katikati ya mawimbi yaliyoinuka ya maji mengi. 16  Nilisikia nikatetemeka kwa ndani;*Niliposikia sauti hiyo midomo yangu ilitetemeka. Uozo ukaingia mifupani mwangu;+Miguu yangu ikatetemeka. Lakini nangojea kimyakimya ile siku ya taabu,+Kwa sababu inawajia watu wanaotushambulia. 17  Ingawa huenda mtini usichanue,Na huenda mizabibu isiwe na matunda;Ingawa huenda mizeituni isizae,Na mashamba yasiwe na mazao yoyote;Ingawa huenda mazizi yasiwe na kondoo,Na mabanda yasiwe na ng’ombe; 18  Lakini mimi nitashangilia katika Yehova;Nitakuwa na shangwe katika Mungu wa wokovu wangu.+ 19  Bwana Mwenye Enzi Kuu Yehova ni nguvu zangu;+Ataifanya miguu yangu iwe kama ya paaNa kuniwezesha kutembea mahali palipoinuka.+

Maelezo ya Chini

^ Au “nyimbo za maombolezo.”
^ Au labda, “wakati wetu!”
^ Au labda, “wakati wetu!”
^ Angalia Kamusi.
^ Au “yalikuwa wokovu.”
^ Au labda, “Mishale imepewa.”
^ Au labda, “Viapo vya makabila vimesemwa.”
^ Tnn., “Ukayapura.”
^ Tnn., “Ulikipondaponda kichwa cha.”
^ Tnn., “shingoni.”
^ Tnn., “fito.”
^ Tnn., “na tumbo langu likatetemeka.”