Zaburi 68:1-35
Kwa kiongozi. Ya Daudi. Muziki, wimbo.
68 Mungu na asimame,+ adui zake na watawanyike,+Na wale wanaomchukia vikali na wakimbie kwa sababu yake.+
2 Kama vile moshi unavyofukuziwa mbali, na uwafukuzie mbali vivyo hivyo;+Kama vile nta inavyoyeyuka kwa sababu ya moto,+Waovu na waangamie vivyo hivyo kutoka mbele za Mungu.+
3 Lakini waadilifu, na washangilie,+Na wasisimuke mbele za Mungu,+Na wafurahie kwa shangwe.+
4 Mwimbieni Mungu, lipigieni jina lake muziki;+Mwimbieni wimbo Yeye anayepanda akipitia nchi tambarare za jangwani+Akiwa Yah, ambalo ndilo jina lake;+ na kushangilia mbele zake;
5 Baba ya wavulana wasio na baba na mwamuzi wa wajane+Ni Mungu katika makao yake matakatifu.+
6 Mungu anawafanya wapweke wakae katika nyumba;+Anawafanikisha kabisa wafungwa.+Hata hivyo, walio wakaidi, lazima wakae katika nchi iliyokauka.+
7 Ee Mungu, ulipoenda mbele ya watu wako,+Ulipopiga mwendo jangwani+—Sela—
8 Dunia ilitikisika,+Nayo mbingu pia ikadondoka maji kwa sababu ya Mungu;+Mlima huu Sinai ukatikisika kwa sababu ya Mungu,+ Mungu wa Israeli.+
9 Ulisababisha mvua kubwa ianze kunyesha, Ee Mungu;+Urithi wako, hata wakati ulipokuwa umechoka—wewe mwenyewe uliupatia nguvu tena.+
10 Kambi yako ya mahema+—wamekaa ndani yake;+Kwa wema wako uliitayarisha kwa ajili ya mwenye kuteseka, Ee Mungu.+
11 Yehova mwenyewe anasema neno hili;+Wanawake wanaotangaza habari njema ni jeshi kubwa.+
12 Hata wafalme wa majeshi wanakimbia, naam, wanakimbia.+Lakini mwanamke anayekaa nyumbani, hugawa nyara.+
13 Ijapokuwa ninyi mliendelea kulala katikati ya marundo ya majivu ya kambi,Kutakuwako mabawa ya njiwa yaliyofunikwa kwa fedhaNa manyoya yake yakiwa yamefunikwa kwa dhahabu ya kijani-manjano.+
14 Wakati Mweza-Yote alipowatawanya kotekote wafalme walio ndani yake,+Theluji ilianza kuanguka Salmoni.+
15 Eneo lenye milima la Bashani+ ni mlima wa Mungu;+Eneo lenye milima la Bashani ni mlima wenye vilele.+
16 Kwa nini ninyi, enyi milima yenye vilele, mnaendelea kutazama kwa wivuMlima ambao Mungu ametamani kukaa ndani yake?+Naam, Yehova atakaa humo milele.+
17 Magari ya Mungu ya vita ni makumi ya maelfu, maelfu zaidi na zaidi.+Yehova mwenyewe amekuja kutoka Sinai na kuingia mahali patakatifu.+
18 Umepanda juu;+Umechukua mateka;+Umechukua zawadi katika namna ya wanadamu,+Naam, hata walio wakaidi,+ ili kukaa kati yao,+ Ee Yah Mungu.
19 Na abarikiwe Yehova, ambaye hutubebea mzigo wetu kila siku,+Mungu wa kweli wa wokovu wetu.+ Sela.
20 Kwetu, Mungu wa kweli ni Mungu wa matendo ya kuokoa;+Nazo njia za kutoka katika kifo+ ni za Yehova Bwana Mwenye Enzi Kuu.+
21 Kwa kweli Mungu mwenyewe atavunja vipande-vipande kichwa cha adui zake,+Utosi wenye nywele wa mtu yeyote anayetembea katika hatia yake.+
22 Yehova amesema: “Kutoka Bashani nitarudisha,+Nitawarudisha kutoka katika vilindi vya bahari,+
23 Ili upate kuosha mguu wako katika damu,+Ili ulimi wa mbwa zako upate fungu lake kutoka katika adui.”+
24 Wameona maandamano yako, Ee Mungu,+Maandamano ya Mungu wangu, Mfalme wangu, kuingia mahali patakatifu.+
25 Waimbaji walitangulia mbele, wapiga-vinanda wakawafuata;+Katikati yao palikuwa na wanawali wakipiga matari.+
26 Katika makundi yaliyokutanika mbarikini Mungu,+Yehova, enyi mnaotoka katika Chemchemi ya Israeli.+
27 Tazama Benyamini mdogo akiwatiisha,+Wakuu wa Yuda pamoja na umati wao unaopaaza sauti,Wakuu wa Zabuloni, wakuu wa Naftali.+
28 Mungu wako ameweka amri juu ya nguvu zako.+Uonyeshe nguvu, Ee Mungu, wewe ambaye umechukua hatua kwa ajili yetu.+
29 Kwa sababu ya hekalu lako katika Yerusalemu,+Wafalme watakuletea zawadi wewe mwenyewe.+
30 Umkemee mnyama-mwitu wa matete,+ kusanyiko la ng’ombe-dume,+Na ndama za vikundi vya watu, kila mmoja akikanyaga-kanyaga vipande vya fedha.+Ametawanya vikundi vya watu vinavyopenda mapigano.+
31 Vyombo vya shaba nyeusi vitatoka Misri;+Kushi itanyoosha upesi mikono yake ikiwa na zawadi kwa Mungu.+
32 Enyi falme za dunia, mwimbieni Mungu,+Mpigieni Yehova muziki—Sela—
33 Kwa Yule anayepanda mbingu ya mbingu za kale.+Lo! Anavumisha sauti yake, sauti yenye nguvu.+
34 Mhesabieni Mungu nguvu.+Adhama yake iko juu ya Israeli na nguvu zake ziko mawinguni.+
35 Mungu ni mwenye kuogopesha kutoka katika patakatifu pako pakuu.+Ndiye Mungu wa Israeli, anayewapa watu nguvu na uwezo.+Mungu na abarikiwe.+
