Zaburi 64:1-10
Kwa kiongozi. Muziki wa Daudi.
64 Ee Mungu, uisikie sauti yangu katika hangaiko langu.+Uulinde uhai wangu kutokana na hofu ya adui.+
2 Unifiche mbali na mazungumzo ya siri ya watenda-maovu,+Mbali na fujo ya wale wanaotenda mambo yenye kuumiza,+
3 Ambao wamenoa ulimi wao kama upanga,+Ambao wameulenga mshale wao, maneno machungu.+
4 Ili wampige mtu asiye na lawama wakiwa mahali palipofichika.+Wanampiga ghafula wala hawaogopi.+
5 Wanashikilia maneno mabaya;+Wanasema juu ya kuficha mitego.+Wamesema: “Ni nani anayewaona?”+
6 Wanaendelea kutafuta mambo yasiyo ya uadilifu;+Wameficha mbinu ya werevu iliyofikiriwa sana,+Na upande wa ndani wa kila mmoja, naam, moyo wake, una kina kirefu.+
7 Lakini Mungu atawapiga ghafula kwa mshale.+Wamepata majeraha,+
8 Nao wanasababisha mtu ajikwae.+Lakini ulimi wao huwapinga wao wenyewe.+Wote wanaowatazama watatikisa kichwa chao,+
9 Nao watu wote wa udongo wataogopa;+Nao watatangaza utendaji wa Mungu.+Nao hakika watakuwa na ufahamu katika kazi yake.+
10 Na mwadilifu atashangilia katika Yehova na kwa kweli atamkimbilia;+Nao wote walio wanyoofu moyoni watajisifu.+
