Zaburi 115:1-18
115 Sisi hatuna chochote, Ee Yehova, sisi hatuna chochote,+Bali jina lako ulitukuze+Kulingana na fadhili zako zenye upendo, kulingana na ukweli wako.+
2 Kwa nini mataifa yaseme:+“Yuko wapi, sasa, Mungu wao?”+
3 Lakini Mungu wetu yuko mbinguni;+Kila kitu ambacho alipendezwa kufanya, amekifanya.+
4 Sanamu zao ni fedha na dhahabu,+Kazi ya mikono ya mtu wa udongo.+
5 Zina kinywa, lakini haziwezi kusema;+Zina macho, lakini haziwezi kuona;+
6 Zina masikio, lakini haziwezi kusikia.+Zina pua, lakini haziwezi kunusa.+
7 Zina mikono, lakini haziwezi kugusa.+Zina miguu, lakini haziwezi kutembea;+Hazitoi sauti yoyote kwa koo zao.+
8 Wale wanaozifanya watakuwa kama hizo,+Wale wote wanaozitegemea.+
9 Ee Israeli, mtegemeeni Yehova;+Yeye ndiye msaada wao na ngao yao.+
10 Ee nyumba ya Haruni, mtegemeeni Yehova;+Yeye ndiye msaada wao na ngao yao.+
11 Ninyi mnaomwogopa Yehova, mtegemeeni Yehova;+Yeye ndiye msaada wao na ngao yao.+
12 Yehova mwenyewe ametukumbuka; atatoa baraka,+Ataibariki nyumba ya Israeli,+Ataibariki nyumba ya Haruni.+
13 Atawabariki wale wanaomwogopa Yehova,+Wadogo kwa wakubwa.+
14 Yehova atawapa ninyi ongezeko,+Ninyi na wana wenu.+
15 Ninyi ndio mliobarikiwa na Yehova,+Mtengenezaji wa mbingu na dunia.+
16 Mbingu ni mbingu za Yehova,+Bali dunia amewapa wana wa binadamu.+
17 Wafu wenyewe hawamsifu Yah,+Wala wowote wanaoingia mahali penye kimya.+
18 Lakini sisi wenyewe tutambariki Yah+Kutoka sasa mpaka wakati usio na kipimo.+Msifuni Yah!+
