Zaburi 106:1-48
106 Msifuni Yah!+Mshukuruni Yehova, kwa maana yeye ni mwema;+Kwa maana fadhili zake zenye upendo ni za mpaka wakati usio na kipimo.+
2 Ni nani anayeweza kuyasema matendo yenye nguvu ya Yehova,+Au anayeweza kufanya sifa yake yote isikiwe?+
3 Wenye furaha ni wale wanaoshika haki,+Wakitenda uadilifu wakati wote.+
4 Unikumbuke, Ee Yehova, kwa nia njema kuelekea watu wako.+Unitunze kwa wokovu wako,+
5 Ili nipate kuona wema kwa wachaguliwa wako,+Ili nipate kushangilia kwa shangwe ya taifa lako,+Ili nipate kujisifu pamoja na urithi wako.+
6 Tumetenda dhambi kama mababu zetu;+Tumefanya kosa; tumetenda kwa uovu.+
7 Mababu zetu huko Misri,Hawakuonyesha ufahamu wowote katika kazi zako za ajabu.+Hawakukumbuka wingi wa fadhili zako kuu zenye upendo,+Bali walijiendesha kwa uasi penye bahari, kando ya Bahari Nyekundu.+
8 Naye akawaokoa kwa ajili ya jina lake,+Ili kufanya nguvu zake zijulikane.+
9 Kwa hiyo akaikemea Bahari Nyekundu, nayo ikakauka hatua kwa hatua;+Naye akawatembeza kupita katika kilindi cha maji kana kwamba ni nyikani;+
10 Na kwa hiyo akawaokoa kutoka katika mkono wa mchukiaji+Na kuwakomboa kutoka katika mkono wa adui.+
11 Na maji yakaja kuwafunika wapinzani wao;+Hakuna hata mmoja wao aliyebaki.+
12 Kisha wakawa na imani katika neno lake;+Wakaanza kuimba sifa yake.+
13 Upesi wakasahau kazi zake;+Hawakungojea shauri lake.+
14 Lakini walionyesha tamaa yao ya ubinafsi nyikani+Na kumjaribu Mungu jangwani.+
15 Naye akawapa ombi lao+Na kuwatumia ugonjwa unaodhoofisha ndani ya nafsi yao.+
16 Nao wakaanza kumwonea Musa wivu katika kambi,+Hata Haruni mtakatifu wa Yehova.+
17 Kisha dunia ikafunguka na kummeza Dathani,+Na kulifunika kusanyiko la Abiramu.+
18 Na moto ukawaka katikati ya kusanyiko lao;+Mwali wa moto ukawateketeza waovu.+
19 Na zaidi ya hayo, wakatengeneza ndama katika Horebu+Na kuinamia sanamu ya kuyeyushwa,+
20 Hivi kwamba wakabadili utukufu wangu+Kwa ajili ya mfano wa ng’ombe mwenye kula majani.+
21 Walimsahau Mungu Mwokozi wao,+Mtendaji wa mambo makuu nchini Misri,+
22 Kazi za ajabu katika nchi ya Hamu,+Mambo yenye kuogopesha kwenye Bahari Nyekundu.+
23 Naye alikuwa karibu kusema waangamizwe,+Isingalikuwa ni kwa sababu ya Musa mchaguliwa wake,Aliyesimama penye mwanya mbele zake,+Ili kuigeuza ghadhabu yake asiwaharibu.+
24 Nao wakaichukia nchi yenye kutamanika;+Hawakuwa na imani katika neno lake.+
25 Nao wakaendelea kunung’unika katika mahema yao;+Hawakuisikiliza sauti ya Yehova.+
26 Kwa hiyo akainua mkono wake katika kiapo juu yao,+Kwamba angewafanya waanguke nyikani,+
27 Na kwamba angefanya uzao wao uanguke kati ya mataifa,+Na kwamba angewatawanya katika nchi mbalimbali.+
28 Nao wakaanza kujishikamanisha na Baali wa Peori+Na kula dhabihu za wafu.+
29 Walipokuwa wakisababisha uchungu kwa matendo yao,+Tauni ikazuka katikati yao.+
30 Finehasi aliposimama na kuingilia kati,+Ndipo tauni ikazuiwa.
31 Na ikahesabiwa kwake kuwa ni uadilifuKwa kizazi baada ya kizazi mpaka wakati usio na kipimo.+
32 Tena, wakafanya uchokozi katika maji ya Meriba,+Hivi kwamba mambo yakamwendea Musa vibaya kwa sababu yao.+
33 Kwa maana waliitia uchungu roho yakeNaye akaanza kusema kwa midomo yake bila kufikiri.+
34 Hawakuangamiza vikundi vya watu,+Kama Yehova alivyokuwa amewaambia.+
35 Nao wakachangamana na hayo mataifa+Na kuanza kujifunza matendo yao.+
36 Nao waliendelea kutumikia sanamu zao,+Nazo zikawa mtego kwao.+
37 Nao wakawa wakiwatoa dhabihu wana wao+Na binti zao kwa roho waovu.+
38 Kwa hiyo wakaendelea kumwaga damu isiyo na hatia,+Damu ya wana wao na binti zao,Ambao waliwatoa dhabihu kwa sanamu za Kanaani;+Na nchi ikachafuliwa na umwagaji wa damu.+
39 Nao wakawa wasio safi kwa sababu ya kazi zao+Na wakaendelea kufanya uasherati kwa matendo yao.+
40 Na hasira ya Yehova ikaanza kuwaka juu ya watu wake;+Naye akaja kuuchukia urithi wake.+
41 Naye akawatia mkononi mwa mataifa tena na tena,+Ili wale wanaowachukia wapate kutawala juu yao,+
42 Na ili adui zao wapate kuwakandamiza,Na ili wapate kutiishwa chini ya mkono wao.+
43 Akawakomboa mara nyingi,+Lakini wao wakawa wakijiendesha kwa uasi katika mwendo wao wa kutokutii,+Nao wakashushwa kwa sababu ya kosa lao.+
44 Naye akaiona taabu yao+Alipokisikia kilio chao cha kusihi.+
45 Naye akalikumbuka agano lake juu yao,+Naye akajuta kulingana na wingi wa fadhili zake kuu zenye upendo.+
46 Naye akawa akiwafanya wahurumiweMbele ya wale wote waliokuwa wamewashika mateka.+
47 Utuokoe, Ee Yehova Mungu wetu,+Na utukusanye pamoja kutoka kwa mataifa+Ili tulishukuru jina lako takatifu,+Ili tukusifu kwa shangwe.+
48 Na abarikiwe Yehova Mungu wa Israeli+kutoka wakati usio na kipimo mpaka wakati usio na kipimo;+Na watu wote waseme Amina.+Msifuni Yah!
