Hamia kwenye habari

Hamia kwenye menyu ya pili

Mashahidi wa Yehova

Kiswahili

VIJANA HUULIZA

Nifanye Nini Nikivunja Sheria ya Wazazi Wangu?

Nifanye Nini Nikivunja Sheria ya Wazazi Wangu?

Yafuatayo ni madokezo ya jinsi unavyoweza kuzuia hali isiwe mbaya zaidi.

Sema kweli. Usipofanya hivyo utafanya wazazi wako wapoteze imani waliyokuwa nayo kukuelekea. Hivyo sema kweli na utaje mambo waziwazi.​—⁠Methali 28:⁠13.

  • Epuka kujitetea au kupunguza uzito wa kosa.

  • Sikuzote ukumbuke kwamba “jibu, linapokuwa la upole, hugeuza ghadhabu.”​—⁠Methali 15:⁠1.

Omba msamaha. Itafaa ukiwaeleza kwamba unasikitika kuwa uliwahangaisha, ukawavunja moyo, au kuwaongezea kazi, na huenda hilo likakupunguzia adhabu. Hata hivyo, sikitiko lako linapaswa kuwa la kweli.

Kubali matokeo. Kukubali makosa na nidhamu huonyesha kwamba wewe ni mkomavu. Jambo la maana ni kujitahidi kuwafanya wazazi wakuamini tena.—Methali 20:11.

Kumbuka kwamba wazazi wako wana jukumu la kukuongoza. Ndiyo sababu Biblia inataja “amri ya baba yako” na “sheria ya mama yako.”​—⁠ Methali 6:20.

Ikiwa unataka wazazi wako wakupe uhuru zaidi:

  • Waonyeshe kwamba unaweza na unataka kutii sheria zao.

  • Jitahidi kufanya utii uwe sehemu ya kitambulisho chako, yaani, hisia ya ndani inayokutambulisha wewe ni nani na unaongozwa na viwango gani.