Hamia kwenye habari

Hamia kwenye menyu ya pili

Mashahidi wa Yehova

Kiswahili

Rafiki Zangu Wananishinikiza Nifanye Mambo Mabaya

Rafiki Zangu Wananishinikiza Nifanye Mambo Mabaya

Unachoweza kufanya

Kwanza, tambua kwamba utawajibika kwa yote unayotenda—hata iwe rafiki zako wanafanya nini.

Pili, tambua ni nani hasa wanaokushinikiza.

Kisha, jiulize, ‘Ni wakati gani hasa ninaposhinikizwa?’ (Nikiwa shuleni? Kazini? Au mahali pengine?) Kufahamu wakati ambapo hali hiyo inaweza kutokea kunaweza kukusaidia kuiepuka.

Sasa, uko tayari kuchukua hatua. Jambo la kwanza unalopaswa kufanya ni kufikiria jinsi utakavyopunguza au kuepuka uwezekano wa kushinikizwa. (Kwa mfano: Ikiwa baada ya shule unakutana kwa ukawaida na wanafunzi ambao wanakuhimiza uvute sigara, unaweza kubadili njia unayotumia ili uepuke kukutana nao.) Ukweli wa mambo: “Marafiki” ambao wanakushinikiza ufanye mambo mabaya si marafiki wa kweli.

Bila shaka, huwezi kukwepa kushinikizwa sikuzote. Siku moja, huenda utakabiliana na kishawishi chenye nguvu sana—labda wakati usipokitazamia. Unaweza kufanya nini kuhusu hilo?

Unaposhindwa na vishawishi, ni kana kwamba unakuwa mtumwa wa tamaa zako

Jambo kuu ni kujitayarisha!

Fikiria hili: Yesu alijua msimamo wake kuhusu maadili. Aliazimia kumtii Baba yake nyakati zote. (Yohana 8:28, 29) Hivyo basi, siri ni kujua mapema msimamo wako.

Zoezi. Jaribu kufikiria sababu mbili kwa nini unapaswa kusimama imara unaposhinikizwa kuhusu jambo fulani mara kwa mara, kisha fikiria mambo mawili unayoweza kufanya ili kufaulu.

Mbona ukubali kuendeshwa na wengine? Uwe na ukomavu wa kufanya kile unachojua ni sawa. (Wakolosai 3:5) Nawe umwombe Mungu akusaidie kuendelea kufanya hivyo.—Mathayo 6:13.