Hamia kwenye habari

Hamia kwenye menyu ya pili

Mashahidi wa Yehova

Kiswahili

Ni Nini Ishara ya “Siku za Mwisho”?

Jibu la Biblia

Biblia inafafanua matukio na hali zitakazotambulisha “umalizio wa mfumo [huu] wa mambo,” au “mwisho wa dunia.” (Mathayo 24:3; Union Version) Biblia inaita kipindi hicho kuwa “siku za mwisho” na pia ‘wakati wa mwisho.’ (2 Timotheo 3:1; Danieli 8:19) Orodha ifuatayo inaonyesha baadhi ya mambo makuu yaliyotabiriwa kutokea katika siku za mwisho, au wakati wa mwisho:

  • Vita kwa kadiri kubwa.Mathayo 24:7; Ufunuo 6:4.

  • Njaa kali.Mathayo 24:7; Ufunuo 6:5, 6.

  • Matetemeko makubwa ya nchi.Luka 21:11.

  • Tauni, au magonjwa mabaya yanayoenea sana.Luka 21:11.

  • Kuongezeka kwa uhalifu.Mathayo 24:12.

  • Wanadamu kuiharibu dunia.Ufunuo 11:18.

  • Kuzorota kwa mtazamo wa watu, na hivyo watu wengi watakuwa “wasio na shukrani, wasio washikamanifu, wasio na upendo wa asili, wasiotaka makubaliano yoyote, wachongezi, wasiojizuia, wakali, wasiopenda wema, wasaliti, wenye vichwa vigumu, wenye kujivuna kwa kiburi.”2 Timotheo 3:1-4.

  • Kuvunjika kwa familia, kwa kuwa watu hawana “upendo wa asili” na watoto ‘hawatii wazazi.’2 Timotheo 3:2, 3.

  • Upendo wa watu wengi kumwelekea Mungu ungepoa.Mathayo 24:12.

  • Unafiki wa kidini unaoonekana waziwazi.2 Timotheo 3:5.

  • Kuongezeka kwa uelewaji wa unabii wa Biblia, kutia ndani unabii unaohusiana na siku za mwisho.Danieli 12:4.

  • Kuhubiriwa kwa habari njema ya Ufalme ulimwenguni pote.Mathayo 24:14.

  • Watu wengi hawapendezwi na hata wanadhihaki kama kweli mwisho unakaribia.Mathayo 24:37-39; 2 Petro 3:3, 4.

  • Unabii wote huu unatimia kwa wakati uleule, si mambo machache tu au sehemu kubwa ya unabii.Mathayo 24:33.

Je, tunaishi katika “siku za mwisho”?

Ndiyo. Hali za ulimwengu na pia mfuatano wa matukio katika Biblia unaonyesha kwamba siku za mwisho zilianza katika mwaka wa 1914. Wakati huo, Ufalme wa Mungu ulianza kutawala mbinguni, na jambo la kwanza lililotimizwa ni kufukuzwa kwa Shetani Ibilisi na malaika waovu kutoka mbinguni na kuwadhibiti watende tu duniani. (Ufunuo 12:7-12) Uvutano wa Shetani juu ya wanadamu unaweza kuonekana katika mtazamo mbaya na matendo mengi mabaya yanayofanya siku hizi za mwisho ziwe “nyakati za hatari zilizo ngumu kushughulika nazo.”2 Timotheo 3:1.

Pata Kujua Mengi Zaidi

BIBLIA INAFUNDISHA NINI HASA?

Je, Tunaishi Katika “Siku za Mwisho”?

Jifunze jinsi matendo na mtazamo wa watu wanaotuzunguka unavyoonyesha kwamba sasa tunaishi katika “siku za mwisho” ambazo Biblia ilitabiri.

MNARA WA MLINZI

Mwisho wa Ulimwengu—Hofu, Msisimuko, na Kuvunjika Moyo

Huenda ukashangazwa na yale ambayo Biblia inasema kuhusu mwisho wa ulimwengu.

MAJIBU YA MASWALI YA BIBLIA

Vita vya Har-Magedoni Ni Nini?

Neno Har-Magedoni linapatikana mara moja tu katika Biblia, lakini vita vinavyorejelewa vinazungumziwa katika Biblia nzima.