Vipimo vya ufikikaji

Chagua lugha

Hamia kwenye menyu ya pili

Hamia kwenye habari

Mashahidi wa Yehova

Kiswahili

Mnyama-Mwitu Mwenye Vichwa Saba Anayetajwa Kwenye Ufunuo Sura ya 13 Anawakilisha Nini?

Mnyama-Mwitu Mwenye Vichwa Saba Anayetajwa Kwenye Ufunuo Sura ya 13 Anawakilisha Nini?

Jibu la Biblia

Mnyama-mwitu mwenye vichwa saba anayetajwa kwa mara ya kwanza katika Ufunuo 13:1 anawakilisha mfumo wa kisiasa wa ulimwenguni pote.

  • Mnyama-mwitu huyo ana mamlaka, nguvu, na kiti cha ufalme, kuonyesha kwamba ana uwezo wa kisiasa.Ufunuo 13:2.

  • Ana mamlaka juu ya “kila kabila na watu na lugha na taifa,” na kwa hiyo hawezi kuwakilisha tu serikali ya nchi moja tu.Ufunuo 13:7.

  • Mnyama-mwitu huyo ana sehemu zinazofanana na zile za wale wanyama wanne wanaofafanuliwa kwenye Danieli 7:2-8. Kwa mfano, anatajwa kuwa na sura ya chui, miguu ya dubu, kinywa cha simba, na pembe kumi. Wanyama wanaotajwa katika unabii wa Danieli wanawakilisha wafalme hususa, au falme za kisiasa, zinazotawala kwa kufuatana juu ya milki tofauti-tofauti. (Danieli 7:17, 23) Kwa hiyo, mnyama-mwitu anayetajwa katika Ufunuo sura ya 13 anawakilisha tengenezo lote la kisiasa.

  • Mnyama-mwitu huyo anapanda “kutoka katika bahari,” yaani, kutoka katika jamii za wanadamu zenye msukosuko. Jamii hizo ndizo chanzo cha serikali za wanadamu.Ufunuo 13:1; Isaya 17:12, 13.

  • Biblia inasema kwamba jina au namba ya mnyama-mwitu huyo—666—ni “namba ya mwanadamu.” (Ufunuo 13:17, 18) Maneno hayo yanaonyesha kwamba mnyama anayetajwa katika Ufunuo sura ya 13 ana asili ya kibinadamu, wala si ya roho au roho mwovu.

Hata ingawa huenda mataifa yakakubaliana katika mambo kadhaa, lengo lao la kuungana ni kudumisha mamlaka yao wenyewe na si kunyenyekea chini ya Ufalme wa Mungu. (Zaburi 2:2) Mataifa hayohayo yataungana katika vita vya Har-Magedoni ili kupigana na jeshi la Mungu linaloongozwa na Yesu Kristo, lakini yataharibiwa kabisa.Ufunuo 16:14, 16; 19:19, 20.

“Pembe kumi na vichwa saba”

Katika Biblia, namba fulani zina maana ya mfano. Kwa mfano, namba kumi na pia namba saba hutumiwa kufananisha kitu ambacho ni kamili, au kikamilifu. Ili kuelewa maana hasa ya “pembe kumi na vichwa saba” vya mnyama-mwitu wa Ufunuo sura ya 13 tutahitaji kuchunguza “sanamu ya mnyama-mwitu” ambayo inafafanuliwa baadaye katika Ufunuo kuwa mnyama mwenye rangi nyekundu, vichwa saba na pembe kumi. (Ufunuo 13:1, 14, 15; 17:3) Biblia inasema kwamba vichwa saba vya mnyama huyo mwenye rangi nyekundu vinamaanisha “wafalme saba,” au serikali.Ufunuo 17:9, 10.

Hivyo basi, vichwa saba vya yule mnyama-mwitu katika Ufunuo 13:1 vinawakilisha serikali saba: serikali hizo kuu ambazo zimekuwapo katika historia yote ya wanadamu na ambazo zimewakandamiza na kuwatesa watu wa Mungu ni—Misri, Ashuru, Babiloni, Umedi na Uajemi, Ugiriki, Roma, na serikali ya Uingereza na Marekani. Ikiwa zile pembe kumi zinawakilisha serikali zote za kisiasa, ziwe kubwa au ndogo, basi taji la kifalme lililoko juu ya kila pembe linaonyesha kwamba serikali hizo zote zinatawala wakati mmoja na serikali kuu ya ulimwengu inayotawala wakati huo.

Pata Kujua Mengi Zaidi

Je, Tunaishi Katika “Siku za Mwisho”?

Jifunze jinsi matendo na mtazamo wa watu wanaotuzunguka unavyoonyesha kwamba sasa tunaishi katika “siku za mwisho” ambazo Biblia ilitabiri.