Vipimo vya ufikikaji

Chagua lugha

Hamia kwenye menyu ya pili

Hamia kwenye habari

Mashahidi wa Yehova

Kiswahili

Ninawezaje Kujilinda Dhidi ya Kusumbuliwa Kingono?

Ninawezaje Kujilinda Dhidi ya Kusumbuliwa Kingono?

Jibu la Biblia

Fikiria mapendekezo haya yanayotegemeka na yanayopatana na hekima ya Biblia:

  1. Kazia fikira kazi yako. Pendezwa na kuwaheshimu wafanyakazi wenzako, lakini usiruhusu urafiki ambao unaweza kuwafanya wafikiri unapendezwa nao kimapenzi.Mathayo 10:16; Wakolosai 4:6.

  2. Valia kwa kiasi. Kuvaa nguo zinazoamsha ashiki kutafanya wengine watuelewe vibaya. Biblia inatutia moyo tuvalie kwa “kiasi na utimamu wa akili.”1 Timotheo 2:9.

  3. Chagua marafiki wako kwa hekima. Ikiwa unatumia wakati mwingi pamoja na wale ambao wanapenda kuchezewa kimapenzi, ni rahisi kutendewa kama wao.Methali 13:20.

  4. Epuka mazungumzo machafu. Usijihusishe kwenye mazungumzo yenye ‘hadithi chafu, au mizaha kuhusu ngono’.Waefeso 5:4.

  5. Epuka vishawishi. Kwa mfano, uwe mwangalifu kuhusu mialiko ya kubaki kazini baada ya muda wa kazi ikiwa si lazimaMethali 22:3.

  6. Uwe imara na useme waziwazi. Ikiwa unasumbuliwa kingono, mweleze waziwazi mtu huyo kwamba hupendi tabia yake. (1 Wakorintho 14:9) Kwa mfano, unaweza kusema hivi: “Unanishika-shika, na sipendi tabia hiyo. Usiniguse.” Unaweza kumwandikia barua na kumweleza kilichotokea, jinsi ulivyohisi na kwamba hutaki arudie tena. Sema waziwazi kwamba msimamo wako unategemea maadili na mambo unayoamini.1 Wathesalonike 4:3-5.

  7. Tafuta msaada. Ikiwa unaendelea kusumbuliwa kingono, mweleze rafiki yako unayemwamini, mshiriki wa familia, mfanyakazi mwenzako au mtu mwenye uzoefu wa kusaidia watu wenye tatizo kama lako. (Methali 27:9) Waathiriwa wengi wamepata msaada kupitia sala. Hata kama hujawahi kusali, usipuuze msaada unaoweza kupata kutoka kwa Yehova “Mungu wa faraja yote.”2 Wakorintho 1:3.

Kusumbuliwa kingono hufanya mazingira ya kazi kuwa yenye kuogopesha kwa watu wengi, hata hivyo Biblia inaweza kutusaidia.

 

Pata Kujua Mengi Zaidi

Nifanye Nini Nikisumbuliwa Kingono?

Jifunze kusumbuliwa kingono kunahusisha nini na jambo unalopaswa kufanya ikiwa umesumbuliwa.