Jibu la Biblia

Biblia inataja waziwazi kwamba “Mungu atawahukumu waasherati.” (Waebrania 13:4) Neno la Kigiriki linalotafsiriwa “uasherati,” por·nei′a, linatia ndani kufanya ngono kabla ya kufunga ndoa. Kwa hiyo, ni makosa machoni pa Mungu kwa mwanamume na mwanamke kuishi pamoja kabla ya kufunga ndoa—hata kama wanapanga kuoana baadaye.

Vipi ikiwa wanapendana kabisa? Bado Mungu anataka waoane kabla ya kufanya ngono. Mungu ndiye aliyetuumba tukiwa na uwezo wa kupendana. Sifa kuu ya Mungu ni upendo. (1 Yohana 4:8) Kwa hiyo, ana sababu nzuri ya kusisitiza kwamba ngono ifanywe tu kati ya watu waliofunga ndoa.