Hamia kwenye habari

Hamia kwenye menyu ya pili

Mashahidi wa Yehova

Kiswahili

Biblia Inasema Nini Kuhusu Kutiwa Damu Mishipani?

Biblia Inasema Nini Kuhusu Kutiwa Damu Mishipani?

Jibu la Biblia

Biblia inatuamuru tusile damu. Kwa hiyo, hatupaswi kukubali damu nzima au sehemu zake za msingi kwa njia yoyote ile, iwe tunaila kama chakula au tunatiwa mishipani. Fikiria maandiko yafuatayo:

  • Mwanzo 9:4. Baada ya Gharika, Mungu alimruhusu Noa na familia yake kula nyama lakini akawaamuru wasile damu. Mungu alimwambia hivi Noa: “Isipokuwa tu nyama pamoja na nafsi yake—damu yake—msile.” Amri hiyo inawahusu pia wanadamu wote kuanzia wakati huo na kuendelea kwa kuwa wote ni wazao wa Noa.

  • Mambo ya Walawi 17:14. Hamtakula damu ya mwili wa namna yoyote, kwa sababu nafsi ya kila mwili wa namna yoyote iko katika damu yake. Mtu yeyote atakayeila atakatiliwa mbali.” Mungu aliona nafsi, au uhai, umo katika damu na ni mali yake. Ijapokuwa taifa la Israeli ndilo lililopewa sheria hiyo, inaonyesha kwamba Mungu alichukua kwa uzito sana sheria ya kutokula damu.

  • Matendo 15:20. Jiepusheni na damu.’ Mungu aliwapa Wakristo amri hiyohiyo aliyompa Noa. Historia inaonyesha kwamba Wakristo wa mapema walikataa kula damu nzima, hata ikiwa ni kwa ajili ya matibabu.

Kwa nini Mungu anatuamuru tujiepushe na damu?

Kuna sababu nzuri za kimatibabu za kuepuka kutiwa damu mishipani. Hata hivyo, sababu muhimu zaidi ya Mungu kutuamuru tujiepushe na damu ni kwamba inawakilisha kitu kitakatifu machoni pake.—Mambo ya Walawi 17:11; Wakolosai 1:20.

 

Pata Kujua Mengi Zaidi

MASWALI YANAYOULIZWA MARA NYINGI

Kwa nini Mashahidi wa Yehova Wanakataa Kutiwa Damu Mishipani?

Kuna maoni mengi yasiyo ya kweli kuhusu Mashahidi wa Yehova na kutiwa damu mishipani. Jifunze kuhusu msimamo wetu kuhusiana na jambo hilo.